Plus One - Political Science-Statement type Questions - Set 5

1. ധനബില്ലുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) രാജ്യസഭയ്ക്ക് ധനബില്ലിനെ അംഗീകരിക്കുകയോ, മാറ്റങ്ങൾ നിർദ്ദേശിക്കുകയോ, നിരാകരിക്കുകയോ ചെയ്യാം. എന്നാൽ ധനബില്ലിൽ ഭേദഗതി വരുത്താനുള്ള അധികാരം രാജ്യസഭയ്ക്കില്ല 

(2) ബില്ല് ലഭിച്ച് 14 ദിവസങ്ങൾക്കകം നിർദ്ദേശങ്ങൾ സഹിതം രാജ്യസഭ അത് ലോക്സഭയിലേക്ക് തിരിച്ചയക്കേണ്ടതാണ്.  ലോക സഭയ്ക്ക് രാജ്യസഭയുടെ നിർദ്ദേശങ്ങൾ സ്വീകരിക്കുകയോ തള്ളിക്കളയുകയോ ചെയ്യാവുന്നതാണ് 

(3) ഒരു ധനബില്ല് 14 ദിവസങ്ങൾക്കകം രാജ്യസഭ തിരിച്ചു നൽകുന്നില്ലെങ്കിൽ 14 ദിവസം തീരുന്ന അന്നുമുതൽ അത് ഇരുസഭകളും പാസാക്കിയതായി പരിഗണിക്കും 

(4) ധന ബില്ലിന് രാജ്യസഭയുടെ അംഗീകാരം എന്നത് ഫലത്തിൽ വെറും ഒരു ആചാരവും നടപടിക്രമവുമാണ്  

A. (1), (2), (3), (4)

B. (3), (4) എന്നിവ 

C. (2), (4) എന്നിവ 

D. (2), (3), (4) എന്നിവ        

2. ഒരു ബില്ല്  നിയമം ആകുന്നതുമായി ബന്ധപ്പെട്ട വിവിധ ഘട്ടങ്ങളെക്കുറിച്ചുള്ള ശരിയായ പ്രസ്താവനകൾ തെരഞ്ഞെടുക്കുക :

(1) പാർലമെന്റിന്റെ ഏതെങ്കിലും സഭയിൽ അവതരിപ്പിച്ച ബില്ലിന്മേലുള്ള ചർച്ച നടക്കുന്നത് ഒന്നാം വായനയിലാണ് 

(2) സെലക്ട് കമ്മിറ്റി അംഗങ്ങളെ നിയമിക്കുന്നത് സഭയാണ്. ഇതിൽ പ്രതിപക്ഷാംഗങ്ങളേയും ഉൾപ്പെടുത്തുന്നു 

(3) കമ്മറ്റി ഘട്ടത്തിൽ ബില്ലിൽ ആവശ്യമായ ഭേദഗതികൾ വരുത്താനുള്ള അധികാരം സെലക്ട് കമ്മിറ്റിയ്ക്കുണ്ട് 

(4) നിയമനിർമാണത്തിന്റെ അന്തിമഘട്ടമാണ് റിപ്പോർട്ട് ഘട്ടം  

A. (2), (3) എന്നിവ 

B. (2), (4) എന്നിവ 

C. (1), (2), (3) എന്നിവ 

D. (1), (4) എന്നിവ 

3. പാർലമെന്റിന്റെ നിയമനിർമ്മാണ ചുമതലകളുമായി ബന്ധപ്പെട്ട ശരിയായ പ്രസ്താവനകളേവ :

(1) പാർലമെന്റ് രാജ്യത്തിനു വേണ്ടി നിയമങ്ങൾ നിർമിക്കുന്നു. കേന്ദ്ര ലിസ്റ്റിൽ ഉൾപ്പെടുത്തിയിട്ടുള്ള എല്ലാ വിഷയങ്ങളിലും നിയമനിർമ്മാണം നടത്താൻ പാർലമെന്റിന് അധികാരമുണ്ട് 

(2) പ്രത്യേക സാഹചര്യങ്ങളിൽ ദേശീയ താൽപര്യവും പ്രാധാന്യവും പരിഗണിച്ച് സംസ്ഥാന ലിസ്റ്റിലെ ചില വിഷയങ്ങളിൽ നിയമനിർമാണം നടത്താൻ പാർലമെന്റിന് അധികാരം നൽകിയിട്ടുണ്ട്  

(3) അവശിഷ്ട വിഷയങ്ങളിൽ ( മൂന്നു ലിസ്റ്റിലും ഉൾപ്പെടാത്തത് ) നിയമനിർമാണത്തിനുള്ള അധികാരം പാർലമെന്റിനില്ല  

A. (1), (2), (3) എന്നിവ   

B. (1) മാത്രം  

C. (1), (3) മാത്രം  

D. (1), (2) മാത്രം 

4. കൂറുമാറ്റവുമായി ബന്ധപ്പെട്ട ചുവടെ തന്നിരിക്കുന്ന പ്രസ്താവനകളിൽ  ശരിയായവയേവ :

(1) 1985 ലെ 52 ആം ഭരണഘടനാ ഭേദഗതി പ്രകാരം ഇന്ത്യയിൽ കൂറുമാറ്റം വിലക്കപ്പെട്ടു. കൂറുമാറ്റ നിരോധന ഭേദഗതി എന്ന പേരിൽ ഇതറിയപ്പെട്ടു. ഭരണഘടനയുടെ 93 ആം ഭേദഗതി പ്രകാരം ഈ നിയമം പരിഷ്കരിക്കപ്പെട്ടു.

(2) കൂറുമാറ്റം സംബന്ധിച്ച കേസുകളിൽ അന്തിമ തീരുമാനമെടുക്കാനുള്ള അധികാരം രാഷ്ട്രപതിക്കാണ് 

(3) ഏതെങ്കിലും ഒരു അംഗം കൂറു മാറിയാൽ അയാൾക്ക് സഭാംഗത്വം നഷ്ടപ്പെടും 

(4) കൂറുമാറ്റത്തിന് അയോഗ്യത കൽപ്പിക്കപ്പെട്ട വ്യക്തികൾ മന്ത്രിപദം പോലെയുള്ള രാഷ്ട്രീയ പദവികൾ വഹിക്കുന്നതിൽ നിന്നും വിലക്കിയിട്ടുണ്ട് 

A. (1), (2), (3), (4) എന്നിവ 

B. (1), (2), (4) എന്നിവ 

C. (3), (4) എന്നിവ   

D. (2), (3), (4) എന്നിവ 

5. ദിമണ്ഡല നിയമനിർമ്മാണ സഭയുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) ചെറിയ രാജ്യങ്ങൾക്ക് അനുയോജ്യമാണ് 

(2) സമൂഹത്തിലെ എല്ലാ ജനവിഭാഗങ്ങൾക്കും രാജ്യത്തെ എല്ലാ ഭൂമിശാസ്ത്രപരമായ മേഖലകൾക്കും പ്രാതിനിധ്യം നൽകാൻ ഇതിനു കഴിയും 

(3) ബില്ലുകളും നയങ്ങളും ദിമണ്ഡല നിയമനിർമ്മാണ സഭയിലെ രണ്ടു സഭകളിലും ചർച്ചയ്ക്കു വരുന്നതിനാൽ അവ

പുനപരിശോധിക്കുന്നതിനുള്ള അവസരം ലഭ്യമാകുന്നു 

A. (1), (2), (3) എന്നിവ 

B. (2), (3) എന്നിവ  

C. (1), (3) എന്നിവ  

D. (3) മാത്രം

6. സംയുക്ത പാർലമെന്ററി കമ്മിറ്റിയുമായി ബന്ധപ്പെട്ട ശരിയായ പ്രസ്താവന /പ്രസ്താവനകൾ തെരഞ്ഞെടുക്കുക :

(1) സംയുക്ത പാർലമെന്ററി കമ്മിറ്റികൾ മുഖ്യമായും പരിശോധന കമ്മിറ്റികളാണ്. ഒരു പ്രത്യേക ബില്ലിനെക്കുറിച്ച് ചർച്ച ചെയ്യുന്നതിനോ അല്ലെങ്കിൽ സാമ്പത്തിക ക്രമക്കേടുകളെ കുറിച്ച് അന്വേഷണം നടത്തുന്നതിനോ സംയുക്ത പാർലമെന്ററി കമ്മിറ്റികൾ സ്ഥാപിക്കാവുന്നതാണ് 

(2) ഈ കമ്മിറ്റിയിലെ അംഗങ്ങളെ ഇരു സഭകളിൽ നിന്നുമായി തെരഞ്ഞെടുക്കുന്നു. ഭരണ - പ്രതിപക്ഷ അംഗങ്ങളും ഈ കമ്മിറ്റിയിൽ ഉണ്ടായിരിക്കും  

A. (1) ഉം (2) ഉം ശരി 

B. (1) ഉം (2) ഉം തെറ്റ് 

C. (1) ശരി (2) തെറ്റ് 

D. (2) ശരി (1) തെറ്റ് 

7. ലോകസഭയുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) ലോകസഭയിലെ അംഗങ്ങളെ ജനങ്ങൾ നേരിട്ടാണ് തെരഞ്ഞെടുക്കുന്നത്. ജനസംഖ്യയുടെ അടിസ്ഥാനത്തിൽ രൂപീകരിച്ചിട്ടുള്ള നിയോജക മണ്ഡലങ്ങളിൽ നിന്നാണ് ലോക്സഭാംഗങ്ങളെ തെരഞ്ഞെടുക്കുന്നത്

(2) തെരഞ്ഞെടുപ്പിനായി രാജ്യത്തെ മുഴുവൻ പ്രാദേശിക നിയോജകമണ്ഡലങ്ങളായി വിഭജിച്ചിട്ടുണ്ട്. ഇതു പ്രകാരം ഓരോ സംസ്ഥാനത്തിനും അതിന്റെ ജനസംഖ്യക്ക് ആനുപാതികമായി നിശ്ചിത ലോക്സഭാ സീറ്റുകൾ നൽകപ്പെടുന്നു.

(3) പ്രായപൂർത്തി വോട്ടവകാശത്തിന്റെ അടിസ്ഥാനത്തിൽ ഓരോ നിയോജക മണ്ഡലത്തിൽ ഒരു പ്രതിനിധിയെ വീതം ജനങ്ങൾ നേരിട്ട് തെരഞ്ഞെടുക്കുന്നു 

(4) ഭരണഘടന പ്രകാരം ലോകസഭയിലെ പരമാവധി അംഗസംഖ്യ 550 ആണ്.

(5) ലോക സഭയുടെ കാലാവധി 5 വർഷമാണ്. എന്നാൽ ഏതെങ്കിലും ഒരു പാർട്ടിക്കോ, മുന്നണിക്കോ ഗവൺമെന്റ് രൂപീകരിക്കാൻ കഴിഞ്ഞില്ലെങ്കിൽ കാലാവധിക്ക് മുമ്പ് തന്നെ രാഷ്ട്രപതിക്ക് ലോക്സഭ പിരിച്ചുവിടാവുന്നതാണ്  

A. (1), (3), (5) എന്നിവ  

B. (1), (2), (3), (5) എന്നിവ 

C. (1), (2), (3), (4) എന്നിവ 

D. ഇവയെല്ലാം 

8. എക്സിക്യൂട്ടീവിനെ നിയന്ത്രിക്കുന്നതിനുവേണ്ടി  നിയമനിർമ്മാണസഭ ഉപയോഗപ്പെടുത്തുന്ന തന്ത്രങ്ങളേവ :

(1) ധനപരമായ നിയന്ത്രണം  

(2) രാജി ഭീഷണി 

(3) ഇറങ്ങിപ്പോക്ക് 

(4) അവിശ്വാസ പ്രമേയം 

A. (1) മാത്രം 

B. (4) മാത്രം 

C. (1), (4) എന്നിവ 

D. (2), (4) എന്നിവ 

9. താഴെ തന്നിരിക്കുന്നവയിൽ ശരിയായ പ്രസ്താവന / പ്രസ്താവനകൾ തെരഞ്ഞെടുക്കുക :

(1) ഇന്ത്യയിലെ സംസ്ഥാനങ്ങളിൽ ഏകമണ്ഡല സഭയോ ദ്വിമണ്ഡലസഭയോ സ്ഥാപിക്കാനുള്ള അധികാരം ഭരണഘടന കേന്ദ്ര ഗവൺമെന്റിനു നൽകുന്നു 

(2) ബീഹാർ, കർണാടക,  മഹാരാഷ്ട്ര, ഉത്തർപ്രദേശ്,  ആന്ധ്രാപ്രദേശ്, തെലങ്കാന എന്നീ സംസ്ഥാനങ്ങളിലെ നിയമസഭകൾ ദ്വിമണ്ഡല സഭകളാണ് 

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

10. നിയമനിർമ്മാണസഭ എക്സിക്യൂട്ടീവിനുമേൽ ചുമത്തുന്ന ധനപരമായ നിയന്ത്രണവുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) ഗവൺമെന്റിന്റെ പരിപാടികൾ നടപ്പാക്കുന്നതിനുള്ള ധനപരമായ വിഭവങ്ങൾ അഥവാ പണം അനുവദിക്കുന്നത് ബജറ്റ് മുഖാന്തിരമാണ്.

(2) ഗവൺമെന്റിന് വിഭവങ്ങൾ അനുവദിക്കുന്നത് സഭയ്ക്ക് നിരാകരിക്കാക്കാം. ഗവൺമെന്റിന് പാർലമെന്റിലെ ഭൂരിപക്ഷ പിന്തുണ ഉണ്ടാകുമെന്നതിനാൽ സാധാരണ നിലയിൽ ഇങ്ങനെ സംഭവിക്കാറില്ല 

(3) പണം അനുവദിക്കുന്നതിന് മുൻപ് ഗവൺമെന്റിന് പണം ആവശ്യമുള്ളതിന്റെ കാരണങ്ങൾ രാജ്യസഭയ്ക്ക് ചർച്ച ചെയ്യാവുന്നതാണ് 

(4) കംപ്ട്രോളർ ആൻഡ് ഓഡിറ്റർ ജനറൽ, പബ്ലിക് അക്കൗണ്ട്സ് കമ്മിറ്റീസ് എന്നിവയുടെ റിപ്പോർട്ടിന്റെ അടിസ്ഥാനത്തിൽ ഗവൺമെന്റിന്റെ ധന ദുർവിനിയോഗത്തെപ്പറ്റി ലോകസഭയ്ക്ക് അന്വേഷിക്കാം 

A. (1), (2), (4) എന്നിവ 

B. (1), (3), (4) എന്നിവ  

C. (1), (2) എന്നിവ  

D. (1), (2), (3), (4) എന്നിവ

11. താഴെ കൊടുത്തിരിക്കുന്നവയിൽ ശരിയായ പ്രസ്താവനകൾ ഏതെല്ലാം :

(1) ഒരു കാബിനറ്റ് എത്രതന്നെ സുശക്തമാണെങ്കിലും നിയമനിർമ്മാണ സഭയിൽ അത് ഭൂരിപക്ഷം നിലനിർത്തിയേ പറ്റൂ  

(2) കാബിനറ്റിലെ എത്ര കരുത്തനായ നേതാവായാലും പാർലമെന്റിനെ അഭിമുഖീകരിക്കുകയും അതിന്റെ ചോദ്യങ്ങൾക്ക് തൃപ്തികരമായ ഉത്തരങ്ങൾ നൽകുകയും വേണം 

(3) ഗവൺമെന്റിന്റെ ഘടകങ്ങളിൽ ഏറ്റവും പ്രാതിനിധ്യ സ്വഭാവമുള്ളത് പാർലമെന്റിനാണ് 

(4) ഒരു ഗവൺമെന്റിനെ തെരഞ്ഞെടുക്കാനും പിരിച്ചുവിടാനുള്ള യഥാർത്ഥ അധികാരം പാർലമെന്റിലാണ് നിക്ഷിപ്തമായിട്ടുള്ളതും 

A. (1), (2), (3), (4) എന്നിവ 

B. (1), (3), (4) എന്നിവ 

C. (1), (2), (4) എന്നിവ 

D. (2), (3), (4) എന്നിവ  

12. താഴെ പറയുന്നവയിൽ ഏത് സാഹചര്യത്തിലാണ് ഒരു സഭാംഗം കൂറുമാറിയതായി പ്രഖ്യാപിക്കപ്പെടുന്നത് :

(1) പാർട്ടി നേതൃത്വത്തിന്റെ നിർദ്ദേശം ധിക്കരിച്ച് സഭയിൽ ഹാജരാകാതിരിക്കുക 

(2) പാർട്ടിയുടെ നിർദേശങ്ങൾക്ക് എതിരായി വോട്ട് ചെയ്യുക 

(3) പാർട്ടി അംഗത്വം സ്വമേധയാ ഉപേക്ഷിക്കുക  

A. (2), (3) എന്നിവ 

B. (2) മാത്രം 

C. (3) മാത്രം 

D. (1), (2), (3) എന്നിവ 

13. ശരിയായ പ്രസ്താവനകൾ തെരഞ്ഞെടുക്കുക :

(1) ഭരണഘടന ഭേദഗതി ചെയ്യുന്നതിനുള്ള അധികാരം പാർലമെന്റിനുണ്ട് 

(2) പാർലമെന്റിന്റെ ഇരുസഭളുടേയും ഭരണഘടനാധികാരങ്ങൾ തുല്യമാണ് 

(3) ഭരണഘടനാപരമായ എല്ലാ ഭേദഗതികളും രണ്ടു സഭകളുടെയും കേവല ഭൂരിപക്ഷത്തോടെ അംഗീകരിക്കപ്പെടേണ്ടതാണ് 

A. (1) മാത്രം 

B. (1), (2) എന്നിവ 

C. (1), (2), (3) എന്നിവ 

D. (1), (3) എന്നിവ 

14. ചുവടെ തന്നിരിക്കുന്നവയിൽ തെറ്റായ പ്രസ്താവനകളേവ :

(1) പാർലമെന്റ് സമ്മേളനം നടക്കുമ്പോൾ എല്ലാദിവസവും ചോദ്യോത്തരവേള ഉണ്ടായിരിക്കും. പാർലമെന്റ് നടപടികൾ ആരംഭിക്കുന്നത് തന്നെ ചോദ്യോത്തരവേളയോടെയാണ്  

(2) ചോദ്യോത്തരവേളക്കു ശേഷം വരുന്ന ശൂന്യവേളയിൽ പ്രധാനമെന്നു കരുതുന്ന ഏതു വിഷയവും ഉന്നയിക്കാനുള്ള സ്വാതന്ത്ര്യം അംഗങ്ങൾക്കുണ്ട്. ഇതിന് മറുപടി പറയാനുള്ള ബാധ്യത മന്ത്രിമാർക്കുണ്ട്    

(3) പൊതു പ്രാധാന്യമുള്ള വിഷയങ്ങളെക്കുറിച്ച് അരമണിക്കൂർ ചർച്ച ചെയ്യാനുള്ള അനുവാദം, അടിയന്തിരപ്രമേയം തുടങ്ങിയവയും എക്സിക്യൂട്ടീവിനുമേൽ നിയന്ത്രണം ചെലുത്തുന്നതിനുള്ള ഉപകരണങ്ങളാണ്

(4) ബില്ലിന്മേലുള്ള ചർച്ച, ചോദ്യോത്തരവേള, ശൂന്യവേള, അരമണിക്കൂർ ചർച്ച, അടിയന്തിരപ്രമേയം എന്നിവയെല്ലാം എക്സിക്യൂട്ടീവിനെ നിയന്ത്രിക്കാനുള്ള ഉപകരണങ്ങളാണ്. ഇതിൽ ഏറ്റവും ഫലപ്രദമായ രീതി അടിയന്തിര പ്രമേയമാണ് 

A. (4) മാത്രം 

B. (3) മാത്രം  

C. (1), (3) എന്നിവ 

D. (2), (4) എന്നിവ 

15. ചുവടെ തന്നിരിക്കുന്നവയിൽ രാജ്യസഭയുടെ അധികാരങ്ങളേവ :

(1) ധന ബില്ലുകളും ധനേതര ബില്ലുകളും അവതരിപ്പിക്കുകയും നിയമനിർമാണം നടത്തുകയും ചെയ്യുന്നു

(2) സംസ്ഥാന ലിസ്റ്റിൽ ഉൾപ്പെട്ടിട്ടുള്ള വിഷയങ്ങളിൽ നിയമനിർമാണം നടത്താനുള്ള അധികാരം യൂണിയൻ പാർലമെന്റിന് നൽകാം

(3) രാഷ്ട്രപതി, ഉപരാഷ്ട്രപതി, സുപ്രീം കോടതി, ഹൈക്കോടതി ജഡ്ജിമാർ എന്നിവരെ തെരഞ്ഞെടുക്കുന്നതിലും നീക്കം ചെയ്യുന്നതിലും പങ്കെടുക്കുന്നു. ഉപരാഷ്ട്രപതിയെ നീക്കം ചെയ്യുന്നതിനുള്ള നടപടിക്രമങ്ങൾ തുടങ്ങി വെക്കാനുള്ള അധികാരം രാജ്യസഭയ്ക്ക് മാത്രമേയുള്ളൂ  

(4) നികുതി ചുമത്തൽ, ബജറ്റ്, വാർഷിക സാമ്പത്തിക കണക്കുകൾ എന്നിവയ്ക്കുള്ള പ്രമേയങ്ങൾ അംഗീകരിക്കുന്നു 

A. (2), (3), (4) എന്നിവ 

B. (1), (2), (3) എന്നിവ  

C. (1), (2), (3), (4) എന്നിവ  

D. (2), (3) എന്നിവ

16. താഴെ തന്നിട്ടുള്ളവയിൽ പാർലമെന്റിന്റെ ചുമതലകളിൽ ഉൾപ്പെടുന്നവയേവ :

(1) ഭരണഘടനാപരമായ ചുമതല  

(2) നിയമങ്ങളുടെ വ്യാഖ്യാനം 

(3) പ്രതിനിധാനം 

(4) എക്സിക്യൂട്ടീവിനെ നിയന്ത്രിക്കൽ 

(5) തെരഞ്ഞെടുപ്പ് ചുമതലകൾ  

A. (1), (2), (4), (5) എന്നിവ 

B. (1), (3), (4), (5) എന്നിവ 

C. (1), (4), (5) എന്നിവ 

D. ഇവയെല്ലാം 

17. രണ്ടാമത്തെ മണ്ഡലത്തിലേക്കുള്ള   പ്രാതിനിധ്യ ആശയങ്ങളുമായി ബന്ധപ്പെട്ട ശരിയായ പ്രസ്താവനകൾ  തെരഞ്ഞെടുക്കുക :

(1) രാജ്യത്തിന്റെയും ജനസംഖ്യ യുടെയും വലിപ്പം കണക്കിലെടുക്കാതെ രാജ്യത്തിലെ എല്ലാ ഭാഗങ്ങൾക്കും തുല്യമായ പ്രാധാന്യം നൽകുന്ന രീതിയാണ് സമതുലിത പ്രാധിനിത്യം. അമേരിക്കയിൽ സമതുലിത പ്രാതിനിധ്യമാണ് സ്വീകരിച്ചിട്ടുള്ളത് 

(2) രാജ്യത്തിലെ ഓരോ ഭാഗത്തിനും അതിന്റെ ജനസംഖ്യ അനുസരിച്ച് പ്രാതിനിധ്യം നൽകുന്ന രീതിയാണ് ഇന്ത്യയിൽ സ്വീകരിച്ചിട്ടുള്ളത് 

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

18. ഒരു ബില്ല് നിയമമാകുന്നതുമായി ബന്ധപ്പെട്ട മൂന്നാം വായനയുമായി യോചിച്ച ശരിയായ പ്രസ്താവനകളേവ :

(1) അന്തിമമായ അംഗീകാരത്തിനായി ബിൽ സഭയിൽ അവതരിപ്പിക്കുന്നത് ഈ ഘട്ടത്തിലാണ് 

(2) പൊതു ചർച്ചയ്ക്കു ശേഷം ബിൽ വോട്ടിനിടുന്നു. കേവല ഭൂരിപക്ഷം ലഭിച്ചാൽ ബില്ല് പാസായതായി പ്രഖ്യാപിക്കുന്നു 

(3) ഒരു ധനേതര ബിൽ ഒരു സഭയിൽ പാസാക്കപ്പെട്ടാൽ അത് രണ്ടാമത്തെ സഭയിലേക്ക് അയക്കും. അവിടെയും ഇതേ നടപടികളിലൂടെ ആ ബില്ല് കടന്നുപോകും.  

(4) ഇരുസഭകളും പാസാക്കിയ ബില്ല് സ്പീക്കറുടെ ഒപ്പോടുകൂടി രാഷ്ട്രപതിയുടെ അനുമതിക്കായി അയക്കുന്നു. രാഷ്ട്രപതി അനുമതി നൽകുന്നതോടെ ബില്ല് നിയമമാകുന്നു 

A. (2), (3), (4) എന്നിവ 

B. (3), (4) എന്നിവ 

C. (1), (4) എന്നിവ  

D.  ഇവയെല്ലാം 

19. രാജ്യസഭയുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) ഇന്ത്യൻ പാർലമെന്റിലെ ഉപരി മണ്ഡലമാണ് രാജ്യസഭ. 'കൗൺസിൽ ഓഫ് സ്റ്റേറ്റ്സ് 'എന്ന പേരിൽ അറിയപ്പെട്ടിരുന്നു  

(2) രാജ്യസഭാ പ്രത്യക്ഷമായി തെരഞ്ഞെടുക്കപ്പെട്ട ഒരു സമിതിയാണ്

(3) രാജ്യസഭയുടെ കാലാവധി ആറു വർഷമാണ് 

(4) രാജ്യസഭ ഇന്ത്യയിലെ  സംസ്ഥാനങ്ങളെ പ്രതിനിധാനം  ചെയ്യുന്നു 

A. (1), (4) എന്നിവ 

B. (1), (3), (4) എന്നിവ 

C. (1), (2), (4) എന്നിവ  

D. (1), (2), (3), (4) എന്നിവ 

20. ചുവടെ തന്നിരിക്കുന്നവയിൽ സെലക്റ്റ് കമ്മിറ്റിയുമായി ബന്ധപ്പെട്ട ശരിയായ പ്രസ്താവനകളേവ :

(1) ഒരു ബില്ല് സെലക്റ്റ് കമ്മിറ്റിക്ക് വിടണമെന്ന് സഭ ആവശ്യപ്പെടുമ്പോഴാണ് ഈ കമ്മിറ്റിയിയെ നിയമിക്കുന്നത് 

(2) ഏതെങ്കിലും ഒരു ബില്ലിനെക്കുറിച്ച് പഠിച്ച് റിപ്പോർട്ട് ചെയ്യാൻ വേണ്ടിയാണ് സെലക്റ്റ് കമ്മിറ്റിയെ നിയമിക്കുന്നത്  

(3) സെലക്റ്റ് കമ്മിറ്റിയിലെ അംഗങ്ങളെ ലോക്സഭയാണ് നിശ്ചയിക്കുന്നത് കമ്മിറ്റിയുടെ ചെയർമാനെ പ്രധാനമന്ത്രി  നാമനിർദ്ദേശം ചെയ്യുന്നു 

(4) സെലക്റ്റ് കമ്മിറ്റി ബില്ലിനെ സൂക്ഷ്മമായി പരിശോധിച്ചതിനുശേഷം സഭയ്ക്ക് റിപ്പോർട്ട് നൽകുന്നു  

A. (1), (2), (3), (4) എന്നിവ 

B. (2), (3), (4) എന്നിവ   

C. (1), (2), (4) എന്നിവ  

D. (1), (3), (4) എന്നിവ
Answers:

Plus One - Political Science-Statement type Questions - Set 4

1. ചേരുംപടി ചേർക്കുക.

(1) പ്രസിഡൻഷ്യൽ ഭരണം 

(2) അർദ്ധ പ്രസിഡൻഷ്യൽ സമ്പ്രദായം 

(3) പാർലമെന്ററി വ്യവസ്ഥ 

(4) ഭരണഘടനാപരമായ രാജവാഴ്ച

a. ബ്രിട്ടൻ 

b. ജപ്പാൻ 

c. റഷ്യ 

d. അമേരിക്ക 

A. 1-a, 2-b, 3-c, 4-d

B. 1-c, 2-d, 3-b, 4-a 

C. 1-d, 2-c, 3-b, 4-a

D. 1-d, 2-b, 3-a, 4-c

2. താഴെ തന്നിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) മന്ത്രിസഭ പാർലമെന്റിന്റെ ഒരു എക്സിക്യൂട്ടീവ് കമ്മിറ്റിയാണ്. പാർലമെന്റിനു വേണ്ടി അത് കൂട്ടായ്മയോടെ ഭരണം നടത്തുന്നു. മന്ത്രിസഭയുടെ ഐക്യമാണ് കൂട്ടുത്തരവാദിത്വത്തിന്റെ അടിസ്ഥാനം. 

(2) ഒരു മന്ത്രിക്കെതിരെയുള്ള അവിശ്വാസ വോട്ട് അയാളുടെ മാത്രം രാജിയിലേക്ക് നയിക്കും എന്നാണ് കൂട്ടുത്തരവാദിത്വം സൂചിപ്പിക്കുന്നത് 

(3) കാബിനറ്റിന്റെ ഏതെങ്കിലും നയത്തോടോ,തീരുമാനത്തോടോ ഒരു മന്ത്രിക്ക് വിയോജിപ്പുണ്ടെങ്കിൽ അതു മന്ത്രിസഭാ യോഗത്തിൽ ഉന്നയിച്ചിരിക്കണം 

(4) മന്ത്രിസഭാ യോഗത്തിലെ തീരുമാനം എന്തായാലും അദ്ദേഹം അത് അംഗീകരിക്കാൻ ബാധ്യസ്ഥനാണ്. അല്ലാത്തപക്ഷം അദ്ദേഹം മന്ത്രിസഭയിൽ നിന്ന് രാജി വെക്കണം.

(5) കൂട്ടുത്തരവാദിത്വം നിലനിൽക്കുമ്പോൾ മന്ത്രിസഭയുടെ ഏതൊരു നയവും ഒരു മന്ത്രിയുടെ ഇച്ഛയ്ക്ക് അനുസരിച്ച് പിന്തുടരാനോ പിന്തുടരാതിരിക്കാനോ അയാൾക്ക് അവകാശമുണ്ട് 

A. (1), (2), (3), (4) എന്നിവ 

B. (1), (3), (4) എന്നിവ 

C. (1), (3), (5) എന്നിവ 

D. (1), (2), (3), (4), (5) എന്നിവ 

3. ചുവടെ കൊടുത്തിരിക്കുന്നവയിൽ എക്സിക്യൂട്ടീവിന്റെ ചുമതലകളേവ :

(1) നിയമനിർമ്മാണ സഭ അംഗീകരിച്ച നിയമങ്ങളും നയങ്ങളും നടപ്പിലാക്കുക എന്നതാണ് എക്സിക്യൂട്ടീവിന്റെ മുഖ്യ ചുമതല 

(2) നയ രൂപീകരണവും എക്സിക്യൂട്ടീവിന്റെ പ്രധാന ഉത്തരവാദിത്തമാണ്.

(3) ആഭ്യന്തര ഭരണം, വിദേശകാര്യ ഭരണം, രാജ്യരക്ഷയും യുദ്ധവും, ധനപരമായ ചുമതലകൾ, നീതിന്യായ പ്രവർത്തനങ്ങൾ, നിയമനിർമ്മാണ ചുമതലകൾ, ദൈനംദിന ഭരണം എന്നിവയും  എക്സിക്യൂട്ടീവിന്റെ പ്രവർത്തന പരിധിയിൽ ഉൾപ്പെടുന്നു    

A. (1) മാത്രം   

B. (1), (3) എന്നിവ 

C. (1), (2) എന്നിവ  

D. (1), (2), (3) എന്നിവ 

4.  ഉപരാഷ്ട്രപതിയുമായി ബന്ധപ്പെട്ട തെറ്റായ പ്രസ്താവനകളേവ :

(1) ഇന്ത്യയ്ക്ക് ഒരു ഉപരാഷ്ട്രപതി ഉണ്ടായിരിക്കണമെന്ന് ഭരണഘടനയിലെ 62 ആം വകുപ്പിൽ വ്യവസ്ഥ ചെയ്യുന്നു  

(2) പാർലമെന്റിലെ ഇരുസഭകളിലേയും അംഗങ്ങളടങ്ങിയ ഒരു ഇലക്ടറൽ കോളേജാണ് ഉപരാഷ്ട്രപതിയെ തെരഞ്ഞെടുക്കുന്നത്. സംസ്ഥാന നിയമ നിർമ്മാണ സഭയിലെ അംഗങ്ങൾ ഇലക്ടറൽ കോളേജിന്റെ ഭാഗമല്ല  

(3) ഉപരാഷ്ട്രപതിയെ നീക്കം ചെയ്യുന്നതിനുള്ള പ്രമേയം രാജ്യസഭ ഭൂരിപക്ഷത്തോടെ പാസാക്കുകയും ലോക്സഭാ അംഗീകാരം നൽകുകയും ചെയ്താൽ ഉപരാഷ്ട്രപതിയെ സ്ഥാനഭ്രഷ്ടനാക്കാവുന്നതാണ് 

(4) ഉപരാഷ്ട്രപതിയാകുന്നതിന് ലോക്സഭയിൽ അംഗമാകുന്നതിനുള്ള യോഗ്യതകൾ മതി 

A. (1), (2), (3) എന്നിവ  

B. (2), (3) എന്നിവ 

C. (2), (3), (4) എന്നിവ 

D. (1), (4) എന്നിവ   

5. പാർലമെന്ററി സമ്പ്രദായവുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) പ്രധാനമന്ത്രി നേതൃത്വം നൽകുന്നു 

(2) കാര്യനിർവ്വഹണ വിഭാഗവും നിയമനിർമ്മാണ വിഭാഗവും  തമ്മിൽ ബന്ധം ഉണ്ടായിരിക്കുന്നതല്ല 

(3) രാഷ്ട്രത്തലവൻ നാമമാത്ര ഭരണാധികാരിയായിരിക്കും 

(4) മന്ത്രിസഭയുടെ കൂട്ടുത്തരവാദിത്വം പാർലമെന്ററി സമ്പ്രദായത്തിന്റെ പ്രത്യേകതയാണ് 

A. (1), (3), (4) എന്നിവ 

B. (1), (2), (4) എന്നിവ   

C. (1), (2), (3) എന്നിവ   

D. ഇവയെല്ലാം 

6. രാഷ്ട്രപതിയുടെ  വിവേചനാധികാരങ്ങളുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) തെരഞ്ഞെടുപ്പിൽ ഒരു പാർട്ടിക്കും വ്യക്തമായ ഭൂരിപക്ഷമില്ലാതെ വരുന്ന സന്ദർഭങ്ങളിൽ രാഷ്ട്രപതിക്ക് തന്റെ വിവേചനാധികാരം ഉപയോഗിക്കാം 

(2) പാർലമെന്റ് പാസാക്കുന്ന ഏത് ബില്ലും തടഞ്ഞ് വെക്കാനോ അനുമതി നിഷേധിക്കാനോ തിരിച്ചയക്കാനോ രാഷ്ട്രപതിക്ക് അധികാരമുണ്ട്. 

(3) മന്ത്രിസഭ നൽകിയ ഉപദേശം പുന പരിശോധന നടത്തുന്നതിനായി തിരിച്ചയക്കുന്നതിനുള്ള അധികാരം രാഷ്ട്രപതിക്കുണ്ട്. മന്ത്രിസഭയുടെ ഉപദേശത്തിൽ ചില വൈകല്യങ്ങളോ നിയമപരമായ ബലക്കുറവോ ഉണ്ടെന്ന് തോന്നുമ്പോഴോ അല്ലെങ്കിൽ അവ രാജ്യത്തിന്റെ താല്പര്യങ്ങൾക്ക് നിരക്കുന്നതല്ലെന്ന് ബോധ്യമായാലോ പ്രസ്തുത ഉപദേശം പുനപരിശോധിക്കാൻ രാഷ്ട്രപതിക്ക് ആവശ്യപ്പെടാം  

(4) ഒരിക്കൽ തിരിച്ചയക്കുന്ന തീരുമാനം / ഉപദേശം പുനഃപരിശോധനയ്ക്ക് ശേഷം വീണ്ടും സമർപ്പിക്കപ്പെടുകയാണെങ്കിൽ അതിന് അംഗീകാരം നൽകാൻ രാഷ്ട്രപതി ബാധ്യസ്ഥനാണ് 

A. (1),(2),(3),(4) എന്നിവ 

B. (1), (2), (3) എന്നിവ 

C. (1), (3) എന്നിവ 

D. (1), (3), (4) എന്നിവ

7.  താഴെ പറയുന്നവയിൽ ശരിയായ പ്രസ്താവനകൾ തെരഞ്ഞെടുക്കുക :

(1) നയങ്ങളും ചട്ടങ്ങളും നടപ്പാക്കാനും ഭരണം നടത്താനും ചുമതലയുള്ള ഗവൺമെന്റിന്റെ ഘടകത്തെയാണ് എക്സിക്യൂട്ടീവ് എന്ന് വിളിക്കുന്നത്

(2) സർക്കാരിന്റെ ധർമ്മങ്ങളെ നിയമ നിർമ്മാണം, കാര്യനിർവഹണം, നീതിന്യായം എന്നിങ്ങനെ മൂന്നായി തരം തിരിച്ച ആദ്യത്തെ രാഷ്ട്രീയ ചിന്തകനാണ് സോക്രട്ടീസ് 

(3) നിയമ നിർമ്മാണസഭ പാസാക്കുന്ന നിയമങ്ങൾ നടപ്പിലാക്കുന്ന ഗവൺമെന്റിന്റെ വിഭാഗമാണ് എക്സിക്യൂട്ടീവ് 

(4) ഗവൺമെന്റ് നയത്തിന്റെ മൊത്തത്തിലുള്ള ഉത്തരവാദിത്വം പേറുന്നത് സ്ഥിരം എക്സിക്യൂട്ടീവാണ് 

A. (1), (2), (3), (4) എന്നിവ 

B. (1), (3), (4) എന്നിവ  

C. (1), (2), (3) എന്നിവ  

D. (1), (3) എന്നിവ 

8. ചുവടെ തന്നിട്ടുള്ളവയിൽ പ്രധാനമന്ത്രിയുടെ ചുമതലകളിൽ ഉൾപ്പെടുന്നവയേവ :

(1) ആഭ്യന്തര-വിദേശ നയങ്ങൾ രൂപകൽപന ചെയ്യുന്നു 

(2) ലോകസഭ പിരിച്ചു വിടാൻ പ്രസിഡന്റിനെ ഉപദേശിക്കുന്നു  

(3) മന്ത്രിസഭയേയും പ്രസിഡന്റിനേയും മന്ത്രിസഭയേയും പാർലമെന്റിനേയും ബന്ധിപ്പിക്കുന്ന കണ്ണിയായി പ്രവർത്തിക്കുന്നു 

(4) മന്ത്രിസഭയുടെ വലിപ്പം നിശ്ചയിക്കുന്നു  

A. (3), (4) എന്നിവ 

B. (1), (3), (4) എന്നിവ 

C. (2), (3), (4) എന്നിവ 

D. (1), (2), (3), (4) എന്നിവ 

9. ഇന്ത്യൻ രാഷ്ട്രപതിയുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായ പ്രസ്താവനകളേവ :

(1) ഭരണഘടനയുടെ 52 ആം വകുപ്പിലാണ് രാഷ്ട്രപതിയുടെ പദവിയെക്കുറിച്ച് പ്രതിപാദിക്കുന്നത് 

(2) കേവല ഭൂരിപക്ഷ വ്യവസ്ഥ അനുസരിച്ചാണ് രാഷ്ട്രപതിയെ തെരഞ്ഞെടുക്കുന്നത് 

(3) രാഷ്ട്രപതിയെ തെരഞ്ഞെടുക്കുന്നത് സാധാരണ പൗരന്മാരല്ല. പാർലമെന്റിലെ തെരഞ്ഞെടുക്കപ്പെട്ട  അംഗങ്ങളും സംസ്ഥാന നിയമസഭകളിലെ അംഗങ്ങളും അടങ്ങുന്ന ഒരു ഇലക്ടറൽ കോളേജാണ് രാഷ്ട്രപതിയെ തെരഞ്ഞെടുക്കുന്നത് 

(4) രാഷ്ട്രപതിയെ തൽസ്ഥാനത്ത് നിന്ന് നീക്കം ചെയ്യാനുള്ള അധികാരം പാർലമെന്റിന് മാത്രമേയുള്ളൂ. ഇതിനുള്ള നടപടിയെ ഇംപീച്ച്മെന്റ് എന്നു പറയുന്നു. ഭരണഘടനാ ലംഘനത്തിനു മാത്രമേ രാഷ്ട്രപതിയെ ഇംപീച്ച് ചെയ്യാൻ പാടുള്ളൂ. ഈ നടപടി ക്രമത്തിന് 'കേവല ഭൂരിപക്ഷം' ആവശ്യമാണ് :

A. (1), (3) എന്നിവ 

B. (1), (2), (3) എന്നിവ 

C. (1), (3), (4) എന്നിവ 

D. (1), (2), (3), (4) എന്നിവ 

10. താഴെ തന്നിരിക്കുന്നവയിൽ അഖിലേന്ത്യാ സർവീസിൽ  ഉൾപ്പെടുന്നവയേവ :

(1) ഇന്ത്യൻ എഞ്ചിനീയറിംഗ് സർവീസ്  

(2) ഇന്ത്യൻ ഓഡിറ്റ് ആൻഡ് അക്കൗണ്ട്സ് സർവീസ് 

(3) ഇന്ത്യൻ ഇക്കണോമിക് സർവീസ് 

(4) ഇന്ത്യൻ കസ്റ്റംസ് ആൻഡ് എക്സൈസ് സർവീസ് 

(5) ഇന്ത്യൻ മെഡിക്കൽ ആൻഡ് ഹെൽത്ത് സർവീസ് 

A. (1), (3), (5) എന്നിവ 

B. (1), (2), (4) എന്നിവ  

C. (2), (3), (4), (5) എന്നിവ  

D. ഇവയെല്ലാം  

11. താഴെ തന്നിരിക്കുന്നവയിൽ പ്രസിഡൻഷ്യൽ സമ്പ്രദായത്തിന്റെ പ്രത്യേകതകളേവ :

(1) രാഷ്ട്രത്തലവനും യഥാർത്ഥ ഭരണാധികാരിയും പ്രസിഡന്റാണ് 

(2) പ്രസിഡന്റ് നിയമനിർമ്മാണ സഭയിൽ അംഗമാണ്  

(3) പ്രസിഡന്റിന് നിയമനിർമ്മാണസഭയോട് ഉത്തരവാദിത്വമുണ്ട്  

(4) മന്ത്രിമാർ പ്രസിഡണ്ടിന്റെ ഉദ്യോഗസ്ഥരാണ്

(5) നിയമനിർമ്മാണ സഭ പിരിച്ചു വിടാൻ പ്രസിഡന്റിന് അധികാരമില്ല 

A. (1), (4) എന്നിവ 

B. (1), (2), (3), (5) എന്നിവ 

C. (1), (3), (4) എന്നിവ  

D. (1), (4), (5) എന്നിവ 

12. മന്ത്രിസഭയുമായി ബന്ധപ്പെട്ട താഴെ തന്നിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) രാഷ്ട്രപതിയെ സഹായിക്കുന്നതിനും ഉപദേശിക്കുന്നതിനുമായി പ്രധാനമന്ത്രിയുടെ നേതൃത്വത്തിൽ ഒരു മന്ത്രിസഭ ഉണ്ടായിരിക്കണമെന്ന് ഭരണഘടനയിലെ 76 ആം വകുപ്പിൽ അനുശാസിക്കുന്നു.

(2) രാഷ്ട്രപതിയുടെ ഉപദേശമനുസരിച്ച് പ്രധാനമന്ത്രിയാണ് കേന്ദ്രമന്ത്രിസഭയിലെ മന്ത്രിമാരെ നിയമിക്കുന്നത് 

(3) മന്ത്രി ആകുന്ന ഒരാൾ പാർലമെന്റിലെ അംഗമായിരിക്കണം. അല്ലാത്തപക്ഷം മന്ത്രിയായി നിയമിതനാകുന്നത് മുതൽ ആറു മാസത്തിനകം പാർലമെന്റിലേക്ക് തിരഞ്ഞെടുക്കപ്പെട്ടിരിക്കണം.

(4) മന്ത്രിസഭയുടെ കാലാവധി അഞ്ചു വർഷമാണ് എങ്കിലും ലോക സഭയുടെ വിശ്വാസം നിലനിൽക്കുന്നിടത്തോളം കാലം മാത്രമേ അതിന് അധികാരത്തിൽ തുടരാൻ കഴിയുകയുള്ളൂ.

A. (1), (2) എന്നിവ  

B. (3), (4) എന്നിവ 

C. (2), (3), (4) എന്നിവ 

D. (1), (2), (3) എന്നിവ

13. ചുവടെ തന്നിരിക്കുന്നവയിൽ അർദ്ധ പ്രസിഡൻഷ്യൽ സമ്പ്രദായം നിലനിൽക്കുന്ന രാജ്യങ്ങളേവ :

(1) അമേരിക്ക

(2) ഫ്രാൻസ്  

(3) റഷ്യ

(4) ജർമ്മനി 

A. (1), (2) എന്നിവ 

B. (1), (2), (3) എന്നിവ 

C. (2), (3) എന്നിവ 

D. (3), (4) എന്നിവ 

14. ചുവടെ തന്നിട്ടുള്ളവയിൽ  ഉപരാഷ്ട്രപതിയുടെ ചുമതലകളേവ :

(1) ഉപരാഷ്ട്രപതി രാജ്യസഭയുടെ എക്സ് - ഒഫീഷ്യോ ചെയർമാനാണ്. രാജ്യസഭാ സമ്മേളനങ്ങളിൽ അധ്യക്ഷത വഹിച്ചു നടപടികൾ നിയന്ത്രിക്കുന്നത് അദ്ദേഹമാണ്.

(2) മരണം, രാജി, ഇംപീച്ച്മെന്റ് എന്നീ കാരണങ്ങളാൽ രാഷ്ട്രപതിയുടെ സ്ഥാനം ഒഴിവു വരുകയാണെങ്കിൽ പുതിയ രാഷ്ട്രപതിയെ തെരഞ്ഞെടുക്കുന്നത് വരെ ഉപരാഷ്ട്രപതി രാഷ്ട്രപതിയുടെ ചുമതലകൾ വഹിക്കുന്നു. എന്നാൽ പരമാവധി മൂന്ന് മാസത്തേക്ക് മാത്രമേ അദ്ദേഹം രാഷ്ട്രപതിയായി പ്രവർത്തിക്കാൻ പാടുള്ളൂ.

3) അസുഖം വിദേശസന്ദർശനം തുടങ്ങിയ കാരണങ്ങളാൽ രാഷ്ട്രപതിക്ക് അദ്ദേഹത്തിന്റെ ചുമതലകൾ നിർവഹിക്കാൻ കഴിയാതെ വരുമ്പോൾ ഉപരാഷ്ട്രപതി താൽക്കാലികമായി രാഷ്ട്രപതിയുടെ ചുമതലകൾ നിർവഹിക്കുന്നു  

A. (1), (2) എന്നിവ 

B. (2), (3) എന്നിവ 

C. (1), (3) എന്നിവ  

D. ഇവയെല്ലാം 

15. താഴെ പറയുന്നവയിൽ സ്ഥിരം എക്സിക്യൂട്ടീവിൽ ഉൾപ്പെടുന്നവയേവ :

(1) രാഷ്ട്രത്തലവന്മാർ 

(2) ഉദ്യോഗസ്ഥവൃന്ദം  

(3) സുപ്രീം കോടതി ചീഫ് ജസ്റ്റിസ് 

(4) മന്ത്രിമാർ 

A. (2) മാത്രം 

B. (2), (3) എന്നിവ 

C. (1), (4) എന്നിവ 

D. (1), മാത്രം 

16. താഴെ തന്നിരിക്കുന്നവയിൽ ശരിയായ പ്രസ്താവന/ പ്രസ്താവനകളേവ :

(1) ഭരണഘടനയിലെ 74(1) വകുപ്പനുസരിച്ച് രാഷ്ട്രപതിയെ സഹായിക്കുവാനും ഉപദേശിക്കുവാനും പ്രധാനമന്ത്രി തലവനായി ഒരു മന്ത്രിസഭ ഉണ്ടായിരിക്കണം. ആ ഉപദേശമനുസരിച്ചായിരിക്കണം രാഷ്ട്രപതി അദ്ദേഹത്തിന്റെ ചുമതലകൾ നിർവഹിക്കേണ്ടത്. 

(2) ഈ വകുപ്പനുസരിച്ച് മന്ത്രിസഭ യോട് അതിന്റെ ഉപദേശം പുനപരിശോധിക്കണമെന്ന് ആവശ്യപ്പെടാനുള്ള അധികാരം രാഷ്ട്രപതിക്കുണ്ട്.

പുനപരിശോധനയ്ക്കുശേഷം മന്ത്രിസഭ നൽകുന്ന ഉപദേശങ്ങൾ അനുസരിച്ച് രാഷ്ട്രപതി പ്രവർത്തിക്കേണ്ടതാണ്  

A. (1), (2) എന്നിവ ശരിയാണ് 

B. (1), (2) എന്നിവ തെറ്റാണ് 

C. (1) ശരിയാണ് (2) തെറ്റാണ് 

D. (2) ശരിയാണ് (1) തെറ്റാണ്

17. മന്ത്രിസഭയുടെ  കൂട്ടുത്തരവാദിത്വം ഏത് ഭരണ സമ്പ്രദായത്തിന്റെ പ്രത്യേകതയാണ് :

(1) പ്രസിഡൻഷ്യൽ സമ്പ്രദായം

(2) അർദ്ധ പ്രസിഡൻഷ്യൽ സമ്പ്രദായം

(3) പാർലമെന്ററി സമ്പ്രദായം 

A. (1), (2) എന്നിവ 

B. (3) മാത്രം 

C. (2) മാത്രം 

D. (1), (3) എന്നിവ 

18. താഴെ കൊടുത്തിരിക്കുന്നവയിൽ ബ്യൂറോക്രസിയുമായി ബന്ധപ്പെട്ടവയേവ :

(1) ബഹ്വംഗ എക്സിക്യൂട്ടീവ് 

(2) രാഷ്ട്രീയ എക്സിക്യൂട്ടീവ് 

(3) സ്ഥിര എക്സിക്യൂട്ടീവ്  

(4) നാമമാത്ര എക്സിക്യൂട്ടീവ്

A. (1), (3) എന്നിവ 

B. (2), (4) എന്നിവ 

C. (3) മാത്രം   

D. (3), (4) എന്നിവ

19. താഴെ കൊടുത്തിരിക്കുന്നവയിൽ അർദ്ധ പ്രസിഡൻഷ്യൽ സമ്പ്രദായത്തിന്റെ പ്രത്യേകതകളേവ :

(1) പ്രസിഡന്റിനേയും പ്രധാനമന്ത്രിയേയും നേരിട്ട് തെരഞ്ഞെടുക്കുന്നു  

(2) പ്രധാനമന്ത്രിക്കും മന്ത്രിസഭയ്ക്കും നിയമ നിർമ്മാണ സഭയോട് വിധേയത്വമുണ്ടായിരിക്കും 

(3) പ്രസിഡന്റ് ഭരണത്തലവനും പ്രധാനമന്ത്രി രാഷ്ട്രത്തലവനുമായിരിക്കും 

(4) പ്രസിഡന്റിനും പ്രധാനമന്ത്രിക്കും ദൈനംദിന കാര്യങ്ങളിൽ ഇടപെടുന്നതിനുള്ള അധികാരമുണ്ട്   

A. (1), (2) എന്നിവ 

B. (1), (2), (3) എന്നിവ 

C. (3), (4) എന്നിവ 

D. (1), (2), (4) എന്നിവ 

20. താഴെ തന്നിട്ടുള്ളവയിൽ ബ്യൂറോക്രസിയുടെ ചുമതലകളേവ :

(1) ഗവൺമെന്റിന്റെ നയരൂപീകരണത്തിൽ സജീവമായി പങ്കെടുക്കുക. നയരൂപീകരണത്തിന് ആവശ്യമായ നിർദേശങ്ങളും സാങ്കേതിക ഉപദേശവും നൽകുക. നയം രൂപീകരിച്ചതിനു ശേഷം നടപ്പാക്കേണ്ട ചുമതലയും  ബ്യൂറോക്രസിക്കാണ്.

(2) ഭരണ ചട്ടങ്ങൾ രൂപീകരിക്കുക എന്നത് ബ്യൂറോക്രസിയുടെ ചുമതലയാണ്. നിയമസഭ അംഗീകരിക്കുന്ന ബില്ലുകൾ നടപ്പാക്കുന്നതിന് ആവശ്യമായ ചട്ടങ്ങളും നിയമങ്ങളും ബ്യൂറോക്രസിയാണ് തയ്യാറാക്കുന്നത്  

(3) ഗവൺമെന്റിന്റെ വാർഷിക ബജറ്റ് തയ്യാറാക്കുന്നത് ബ്യൂറോക്രസിയാണ് 

(4) ഭരിക്കുന്നവരേയും ഭരിക്കപ്പെടുന്നവരേയും സേവിക്കുക. മാറി മാറി വരുന്ന ഗവൺമെന്റുകളെ ബ്യൂറോക്രസി രാഷ്ട്രീയ താൽപര്യത്തോടെ സേവിക്കേണ്ടതാണ്. പൊതു നന്മക്ക് വേണ്ടി പ്രവർത്തിക്കാനും അവർ ബാധ്യസ്ഥരാണ്.

A. (1), (2) എന്നിവ 

B. (1), (2), (3) എന്നിവ  

C. (1), (3), (4) എന്നിവ   

D. (1), (2), (4) എന്നിവ

Answers

Plus One - Political Science-Statement type Questions - Set 3

 1. കേവല ഭൂരിപക്ഷ വ്യവസ്ഥയുമായി ബന്ധപ്പെട്ട ശരിയായ പ്രസ്താവനകളേവ :

(1) ഈ വ്യവസ്ഥയനുസരിച്ച് രാജ്യത്തെ മുഴുവൻ ഒരു ഏക നിയോജക മണ്ഡലമായി കണക്കാക്കുന്നു  

(2) ഒരു നിയോജക മണ്ഡലത്തിൽ നിന്ന് ഒന്നിലധികം പ്രതിനിധികളെ തെരഞ്ഞെടുക്കാം 

(3) ഒരു കക്ഷിക്ക് അതിനു കിട്ടിയ വോട്ടിന്റെ വിഹിതത്തേക്കാൾ കൂടുതൽ സീറ്റുകൾ നിയമനിർമാണസഭയിൽ ലഭിച്ചുവെന്നുവരാം 

(4) തെരഞ്ഞെടുപ്പിൽ വിജയിക്കുന്ന സ്ഥാനാർത്ഥിക്ക് ഭൂരിപക്ഷം വോട്ടുകൾ ലഭിക്കുന്നു.

A. (3) മാത്രം 

B. (3), (4) എന്നിവ 

C. (2), (3), (4) എന്നിവ 

D. (1), (4) എന്നിവ        

2. ജനാധിപത്യവുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) വിസ്തൃതമായ ഭൂപ്രദേശവും ഉയർന്ന ജനസംഖ്യയുമുള്ള ആധുനിക രാഷ്ട്രങ്ങളിൽ പ്രത്യക്ഷ ജനാധിപത്യം പ്രായോഗികമല്ല 

(2) പരോക്ഷ ജനാധിപത്യത്തിൽ " ജനങ്ങളുടെ ഭരണം" എന്നാൽ "ജനപ്രതിനിധികളുടെ ഭരണം" എന്നുതന്നെയാണ് അർത്ഥം 

(3) ഗ്രാമസഭകൾ പോലെയുള്ള പ്രാദേശിക ഗവൺമെന്റുകൾ പരോക്ഷ ജനാധിപത്യത്തിന് ഉദാഹരണങ്ങളാണ് 

(4) പരോക്ഷ ജനാധിപത്യത്തിൽ തെരഞ്ഞെടുക്കപ്പെട്ട ജനപ്രതിനിധികൾ എല്ലാ പ്രധാന തീരുമാനങ്ങളും കൈക്കൊള്ളുന്നു.

A. (1), (2), (3), (4) എന്നിവ 

B. (1), (3), (4) എന്നിവ 

C. (2), (3), (4) എന്നിവ 

D. (1), (2), (4) എന്നിവ 

3. വോട്ടവകാശവുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) ഭരണഘടനയിലെ 324 ആം വകുപ്പ്, ലോക്സഭയിലേക്കും നിയമസഭയിലേക്കുമുള്ള തെരഞ്ഞെടുപ്പുകൾ പ്രായപൂർത്തി വോട്ടവകാശത്തിന്റെ അടിസ്ഥാനത്തിലായിരിക്കണമെന്ന് വ്യവസ്ഥ ചെയ്യുന്നു 

(2) 1991 ൽ വോട്ടവകാശത്തിനുള്ള പ്രായം ഒരു ഭരണഘടനാ ഭേദഗതിയിലൂടെ 22 ൽ നിന്ന് 18 ആയി കുറച്ചു 

(3) 18 വയസ്സ് തികഞ്ഞ ഇന്ത്യയിലെ ഏതൊരു പൗരനും  ജാതി, മതം, വംശം, ലിംഗം, ജന്മസ്ഥലം, സാമൂഹ്യ സാമ്പത്തിക പദവി തുടങ്ങിയവ പരിഗണിക്കാതെ വോട്ട് ചെയ്യാനുള്ള അവകാശമുണ്ട് 

A. (1), (2), (3) എന്നിവ 

B. (2), (3) എന്നിവ 

C. (2) മാത്രം 

D. (3) മാത്രം  

4. ഏക കൈമാറ്റ വോട്ട് വ്യവസ്ഥ അഥവാ ഹെയർ വ്യവസ്ഥയുമായി ബന്ധപ്പെട്ട ശരിയായ പ്രസ്താവനകളേവ :

(1) ഒരോ ന്യൂനപക്ഷ വിഭാഗത്തിനും അതിലെ വോട്ടർമാരുടെ അംഗബലം അനുസരിച്ച് പ്രാതിനിധ്യം  ലഭിക്കുക എന്നതാണ് ഏക കൈമാറ്റ വോട്ട് വ്യവസ്ഥയുടെ അടിസ്ഥാന തത്വം 

(2) ഹെയർ വ്യവസ്ഥയ്ക്ക് മുഖ്യമായും നാല് ഘടകങ്ങളുണ്ട്.

 ബഹ്വംഗ നിയോജകമണ്ഡലം, ആനുപാതികമായ പങ്ക്, ഒരു ഫലപ്രദമായ വോട്ടും മുൻഗണനകൾ രേഖപ്പെടുത്തലും, വോട്ടുകളുടെ കൈമാറ്റം എന്നിവയാണവ 

(3) ഏക കൈമാറ്റ വോട്ട് വ്യവസ്ഥയിൽ ബഹ്വംഗ നിയോജകമണ്ഡലം അത്യാവശ്യ ഘടകമാണ്. രണ്ടോ അതിലധികമോ സ്ഥാനാർഥികളെ തെരഞ്ഞെടുക്കാവുന്ന നിയോജക മണ്ഡലത്തേയാണ് ബഹ്വംഗ നിയോജക മണ്ഡലം എന്നു പറയുന്നത് 

(4) ഒരു സ്ഥാനാർത്ഥിക്ക് വിജയിക്കുന്നതിന് വോട്ടുകളുടെ ആനുപാതികമായ പങ്ക് അഥവാ ക്വോട്ട ലഭിച്ചിരിക്കണം. മറ്റൊരർത്ഥത്തിൽ ഒരു സ്ഥാനാർഥി വിജയിക്കുന്നതിന് ആവശ്യമായ വോട്ടുകളുടെ എണ്ണം ആണ് ക്വോട്ട.

A. (2), (4) എന്നിവ 

B. (2), (3), (4) എന്നിവ 

C. (1), (2), (4) എന്നിവ   

D. ഇവയെല്ലാം

5. താഴെ തന്നിരിക്കുന്നവയിൽ തെരഞ്ഞെടുപ്പ് കമ്മീഷന്റെ ചുമതലകളേവ :

(1) എന്തെങ്കിലും കാരണവശാൽ സ്വതന്ത്രവും നീതിപൂർവ്വവുമായ തെരഞ്ഞെടുപ്പ് നടത്താനുള്ള അന്തരീക്ഷമില്ലെങ്കിൽ തെരഞ്ഞെടുപ്പ് നീട്ടിവെക്കാനും റദ്ദാക്കാനും കമ്മീഷന് അധികാരമുണ്ട്. അങ്ങനെ ഒരു പ്രത്യേക നിയോജക മണ്ഡലത്തിലേയോ സംസ്ഥാനത്തിലേയോ അല്ലെങ്കിൽ രാജ്യത്തെ മുഴുവൻ തെരഞ്ഞെടുപ്പോ മാറ്റിവയ്ക്കാനും റദ്ദാക്കാനും തെരഞ്ഞെടുപ്പ് കമ്മീഷന് അധികാരമുണ്ട് 

(2) വോട്ടെണ്ണൽ പ്രക്രിയ നീതിയുക്തമായ രീതിയിൽ നടത്തിയിട്ടില്ലെന്ന് തോന്നുകയാണെങ്കിൽ വീണ്ടും വോട്ടെണ്ണാൻ തെരഞ്ഞെടുപ്പ് കമ്മീഷന് ഉത്തരവിടാൻ കഴിയും 

(3) തെരഞ്ഞെടുപ്പിന് ആവശ്യമായ വോട്ടർ പട്ടിക തയ്യാറാക്കുക, ഓരോ സെൻസസിനു ശേഷവും തിരഞ്ഞെടുപ്പിനു മുന്പും കമ്മീഷൻ വോട്ടർപട്ടിക പരിഷ്കരിക്കുകയും പുതുക്കുകയും ചെയ്യുന്നു. അനർഹരായ വോട്ടർമാരുടെ പേരുകൾ പത്രികയിൽ ഉൾപ്പെടുത്താതിരിക്കുക, അർഹരായവരുടെയോ ജീവിച്ചിരിപ്പില്ലാത്തവരുടെയോ പേരുകൾ ഉൾപ്പെടുത്തുക തുടങ്ങിയ തെറ്റുകൾ ഒഴിവാക്കിക്കൊണ്ട് വോട്ടർ പട്ടികയെ കുറ്റമറ്റതാക്കാൻ തെരഞ്ഞെടുപ്പ് കമ്മീഷൻ എല്ലാ ശ്രമങ്ങളും നടത്തുന്നു.

(4) തെരഞ്ഞെടുപ്പു ചിലവുകൾക്ക് പരിധി നിർണയിക്കുക, സ്ഥാനാർത്ഥികൾ സമർപ്പിക്കുന്ന തെരഞ്ഞെടുപ്പ് ചിലവ് കണക്കുകൾ പരിശോധിക്കുക, തെരഞ്ഞെടുപ്പ് തർക്കങ്ങളും കേസുകളും തീർപ്പാക്കുക എന്നീ ചുമതലകളും തെരഞ്ഞെടുപ്പ് കമ്മീഷൻ നിർവ്വഹിക്കുന്നു   

A. (1), (2), (3), (4) എന്നിവ 

B. (1), (3) എന്നിവ

C. (1), (2), (4) എന്നിവ  

D. (2), (3), (4) എന്നിവ 

6. ചുവടെ പറയുന്നവയിൽ ഇന്ത്യയിലെ രാജ്യസഭാ തെരഞ്ഞെടുപ്പുമായി ബന്ധപ്പെട്ട ശരിയായ പ്രസ്താവനകളേവ :

(1) രാജ്യസഭയിലേക്കുള്ള അംഗങ്ങളെ തെരഞ്ഞെടുക്കുന്നത് അതാത് സംസ്ഥാനത്തെ നിയമ നിർമ്മാണ സഭകളാണ് 

(2) സംസ്ഥാന നിയമസഭകളിലെ എംഎൽഎമാരാണ് വോട്ടർമാർ 

(3) ഓരോ വോട്ടറും അയാളുടെ മുൻഗണനാ ക്രമമനുസരിച്ച് സ്ഥാനാർഥികൾക്ക് വോട്ടുകൾ രേഖപ്പെടുത്തുന്നു

(4) ഒരു സ്ഥാനാർത്ഥിക്ക് വിജയിക്കണമെങ്കിൽ വോട്ടുകളുടെ ഒരു മിനിമം ക്വോട്ട ലഭിച്ചിരിക്കണം

(5) ഒന്നാം മുൻഗണനാ വോട്ടുകളാണ് ആദ്യം എണ്ണുക. അവ എണ്ണി കഴിയുമ്പോൾ നിശ്ചിത ക്വോട്ട ലഭിച്ച സ്ഥാനാർത്ഥികൾ വിജയിച്ചതായി പ്രഖ്യാപിക്കും 

A. ഇവയെല്ലാം 

B. (1), (2), (3), (4) എന്നിവ  

C. (1), (2), (4) എന്നിവ 

D. (1), (2), (3), (5) എന്നിവ

7. കേവല ഭൂരിപക്ഷ വ്യവസ്ഥയുമായി ബന്ധപ്പെട്ട ശരിയായ പ്രസ്താവനകളേവ :

(1) കേവല ഭൂരിപക്ഷ വ്യവസ്ഥ പ്രകാരം ഓരോ നിയോജക മണ്ഡലവും ഓരോ പ്രതിനിധിയെ തെരഞ്ഞെടുക്കുന്നു. മത്സരിക്കുന്ന സ്ഥാനാർഥികളിൽ ഏറ്റവും കൂടുതൽ വോട്ടു കിട്ടിയ ആൾ തെരഞ്ഞെടുക്കപ്പെട്ടതായി പ്രഖ്യാപിക്കുന്നു. 

(2) മറ്റ് സ്ഥാനാർഥികളെക്കാൾ കൂടുതൽ വോട്ടു കിട്ടുന്ന സ്ഥാനാർത്ഥിയാണ് തെരഞ്ഞെടുക്കപ്പെടുന്നത്. വിജയിച്ച സ്ഥാനാർത്ഥിക്ക് ഭൂരിപക്ഷം വോട്ടുകൾ ലഭിക്കേണ്ട ആവശ്യമില്ല. തെരഞ്ഞെടുപ്പ് പന്തയത്തിൽ മറ്റുള്ളവരുടെ മുന്നിൽ എത്തി ആദ്യം വിന്നിങ് പോസ്റ്റ് മുറിച്ചു കടക്കുന്ന ആൾ വിജയിക്കുന്നു

(3) കേവല ഭൂരിപക്ഷ വ്യവസ്ഥ ഫസ്റ്റ് പാസ്റ്റ് ദി പോസ്റ്റ് സിസ്റ്റം, ആപേക്ഷിക ഭൂരിപക്ഷ വ്യവസ്ഥ, ബഹുത്വ സമ്പ്രദായം എന്ന പേരിലെല്ലാം അറിയപ്പെടുന്നു   

A. (1), (2) എന്നിവ 

B. (1), (2), (3) എന്നിവ 

C. (2), (3) എന്നിവ 

D. (1), (3) എന്നിവ 

8. താഴെ കൊടുത്തിരിക്കുന്നവയിൽ ശരിയായ പ്രസ്താവനകൾ തെരഞ്ഞെടുക്കുക :

(1) ലോകസഭയിലേക്കും സംസ്ഥാന നിയമനിർമ്മാണസഭ കളിലേക്കുമുള്ള തെരഞ്ഞെടുപ്പുകളിൽ പട്ടികജാതി, പട്ടിക വർഗ്ഗക്കാർക്ക് സീറ്റുകൾ സംവരണം ചെയ്യാൻ ഭരണഘടന വ്യവസ്ഥ ചെയ്തിട്ടുണ്ട്  

(2) സംവരണത്തിന്റെ കാലാവധി പൂർത്തിയാകുമ്പോൾ അത് വീണ്ടും നീട്ടാനുള്ള തീരുമാനം പാർലമെന്റിന് എടുക്കാവുന്നതാണ് 

(3) പട്ടികജാതി പട്ടിക വർഗ്ഗക്കാർക്ക് സംവരണം ചെയ്തിട്ടുള്ള സീറ്റുകളുടെ എണ്ണം നിജപ്പെടുത്തിയിട്ടുള്ളത് ഇന്ത്യയിലെ ജനസംഖ്യയിൽ അവർക്കുള്ള അംഗസംഖ്യക്ക് അനുപാതമായിട്ടാണ്. 

(4) ഇപ്പോൾ ലോക്സഭയിൽ  പട്ടികജാതിക്കാർക്ക് 80 ഉം പട്ടികവർഗക്കാർക്ക് 43 ഉം സീറ്റുകൾ സംവരണം ചെയ്തിട്ടുണ്ട്

A. (1), (4) എന്നിവ 

B. (1), (3), (4) എന്നിവ 

C. (1), (2), (3) എന്നിവ 

D. (1), (2), (3), (4) എന്നിവ 

9. താഴെ കൊടുത്തിരിക്കുന്നവയിൽ ശരിയായ പ്രസ്താവന/ പ്രസ്താവനകൾ തെരഞ്ഞെടുക്കുക :

(1) ഇന്ത്യ യുകെ എന്നിവിടങ്ങളിൽ കേവല ഭൂരിപക്ഷ വ്യവസ്ഥ നിലനിൽക്കുന്നു 

(2) നെതർലാൻഡ് ഇസ്രായേൽ എന്നിവിടങ്ങളിൽ ആനുപാതിക പ്രാതിനിധ്യ വ്യവസ്ഥ നിലനിൽക്കുന്നു  

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

10. താഴെ തന്നിട്ടുള്ളവയിൽ സ്ത്രീകളുടെ പ്രാതിനിധ്യത്തിന് വേണ്ടി  തെരഞ്ഞെടുപ്പ് പരിഷ്കരണത്തിനുള്ള നിർദ്ദേശങ്ങളിൽ ഉൾപ്പെട്ടവയേവ :

(1) രാഷ്ട്രീയ പാർട്ടികൾ വനിതാ സ്ഥാനാർഥികൾക്ക് പരിഗണന നൽകണം 

(2) പാർട്ടികളിലെ ഭാരവാഹിത്വങ്ങളിൽ നിന്ന് സ്ത്രീകളെ അകറ്റി നിർത്തണം 

(3) പാർലമെന്റിലും സംസ്ഥാന നിയമനിർമാണ സഭകളിലും പുരുഷന്മാർക്ക് സംവരണം ഏർപ്പെടുത്തണം  

(4) പൊതു പ്രവർത്തനങ്ങളിൽ നിന്ന് സ്ത്രീകളെ അകറ്റി നിർത്തുന്ന മനോഭാവം മാറ്റിയെടുക്കാൻ നടപടികൾ സ്വീകരിക്കണം 

A. (1), (2), (3), (4) എന്നിവ 

B. (1), (4) എന്നിവ  

C. (1), (2), (4) എന്നിവ 

D. (1), (3), (4) എന്നിവ 

11. താഴെ പറയുന്നവയിൽ ശരിയായ പ്രസ്താവനകളേവ :

(1) ഇന്ത്യയിൽ പ്രത്യക്ഷ തെരഞ്ഞെടുപ്പ് സമ്പ്രദായവും പരോക്ഷ തെരഞ്ഞെടുപ്പ് സമ്പ്രദായവും നിലവിലുണ്ട് 

(2) രാഷ്ട്രപതി, ഉപരാഷ്ട്രപതി, ലോക്സഭ, രാജ്യസഭയിലെ തെരഞ്ഞെടുക്കപ്പെടുന്ന അംഗങ്ങൾ തുടങ്ങിയവരെ പരോക്ഷ തെരഞ്ഞെടുപ്പ് സമ്പ്രദായ പ്രകാരമാണ് തെരഞ്ഞെടുക്കുന്നത് 

(3) സംസ്ഥാന നിയമസഭകളിലേക്കും, തദ്ദേശ സ്വയംഭരണ സ്ഥാപനങ്ങളിലേക്കുമെല്ലാം തെരഞ്ഞെടുപ്പ് നടത്തുന്നത് പ്രത്യക്ഷ തെരഞ്ഞെടുപ്പ് രീതി അനുസരിച്ചാണ്  

(4) ഇന്ത്യയിൽ നിലവിലുള്ള പ്രത്യക്ഷ പ്രാതിനിധ്യ സമ്പ്രദായത്തെ കേവല ഭൂരിപക്ഷ വ്യവസ്ഥ എന്നു വിളിക്കുന്നു 

A. (1), (4) എന്നിവ 

B. (1), (2), (3) എന്നിവ 

C. (1), (3), (4) എന്നിവ 

D. (1), (2), (3), (4) എന്നിവ 

12. താഴെ കൊടുത്തിരിക്കുന്നവയിൽ ശരിയായ ജോഡികളേവ :

(1) ലിസ്റ്റ് വ്യവസ്ഥ - ബെൽജിയം 

(2) ഹെയർ വ്യവസ്ഥ - പോർച്ചുഗൽ 

(3) കേവല ഭൂരിപക്ഷ വ്യവസ്ഥ - അർജന്റീന

A. (1), (3) എന്നിവ 

B. (2) മാത്രം 

C. (2), (3) എന്നിവ 

D. (1) മാത്രം

13. താഴെപ്പറയുന്നവയിൽ ശരിയായ പ്രസ്താവനകൾ തെരഞ്ഞെടുക്കുക :

(1) 1851 ൽ' മെഷിനറി ഓഫ് റെപ്രസന്റ്റേഷൻ  ' എന്ന കൃതിയിൽ  തോമസ് ഹെയർ ആദ്യമായി ഹെയർ വ്യവസ്ഥ അവതരിപ്പിച്ചു  

(2) ഡെൻമാർക്കിലെ മന്ത്രിയായിരുന്ന ആൻഡ്രിയ 1885 ൽ ഈ സമ്പ്രദായം തന്റെ രാജ്യത്ത് നടപ്പിലാക്കി. അതിനു ശേഷം ആൻഡ്രിയ വ്യവസ്ഥ എന്ന പേരിലും ഇതറിയപ്പെടാൻ തുടങ്ങി 

(3) സ്ഥാനാർത്ഥിക്ക് വോട്ടു നൽകുന്നതിൽ വോട്ടർ മുൻഗണനകൾ രേഖപ്പെടുത്തുന്നതിനാൽ ഈ വ്യവസ്ഥയെ മുൻഗണനാ വ്യവസ്ഥ എന്നും വിളിക്കുന്നു  

(4) റിപ്പബ്ലിക്ക് ഓഫ് അയർലണ്ട്, കാനഡ, ദക്ഷിണാഫ്രിക്ക എന്നീ രാജ്യങ്ങളിൽ മുൻഗണനാ വ്യവസ്ഥ നിലവിലുണ്ട്.

A. (1), (2) എന്നിവ 

B. (1), (2), (3) എന്നിവ 

C. (1), (2), (4) എന്നിവ 

D. ഇവയെല്ലാം 

14. ചുവടെ പറയുന്നവയിൽ  ശരിയായ പ്രസ്താവനകളേവ :

(1) നിയോജക മണ്ഡലങ്ങളുടെ സംവരണം സംബന്ധിച്ച തീരുമാനം എടുക്കുന്നത് ദേശീയ തെരഞ്ഞെടുപ്പ് കമ്മീഷനാണ്  

(2) രാജ്യത്തെ എല്ലാ നിയോജക മണ്ഡലങ്ങളുടെയും അതിർത്തികൾ നിർണ്ണയിക്കുന്നതിനു വേണ്ടിയാണ് അതിർത്തി നിർണ്ണയ കമ്മീഷനെ നിയമിച്ചത്

(3) പ്രധാനമന്ത്രിയാണ് അതിർത്തി നിർണയ കമ്മീഷനെ നിയമിക്കുന്നത്   

A. (2) മാത്രം 

B. (2), (3) എന്നിവ  

C. (1), (2) എന്നിവ  

D. (1), (2), (3) എന്നിവ 

15. ആനുപാതിക പ്രാതിനിധ്യ വ്യവസ്ഥയുമായി ബന്ധപ്പെട്ട ശരിയായ പ്രസ്താവനകൾ തിരഞ്ഞെടുക്കുക  :

(1) ന്യൂനപക്ഷ പ്രാതിനിധ്യം ഉറപ്പുവരുത്തുന്നതിനായി രാഷ്ട്രീയ ചിന്തകർ ആവിഷ്കരിച്ച തെരഞ്ഞെടുപ്പ് വ്യവസ്ഥയായിരുന്നു ആനുപാതിക പ്രാതിനിധ്യ വ്യവസ്ഥ  

(2) ഓരോ വിഭാഗം ജനങ്ങൾക്കും അവരുടെ അംഗസംഖ്യയുടെ അനുപാതത്തിൽ പ്രാതിനിധ്യം  നൽകുക എന്നതാണ് ആനുപാതിക വ്യവസ്ഥയുടെ ലക്ഷ്യം 

(3) നിയമനിർമ്മാണ സഭയിൽ  ഒരു കക്ഷിക്ക് കിട്ടുന്ന സീറ്റുകളുടെ എണ്ണം ആ കക്ഷിക്കു കിട്ടിയ വോട്ടുകളുടെ എണ്ണത്തിന് ആനുപാതികമായിരിക്കണം എന്നതാണ് ഈ വ്യവസ്ഥയുടെ അടിസ്ഥാനപരമായ ആശയം 

A. (1), (2), (3) എന്നിവ 

B. (1), (2) എന്നിവ 

C. (2), (3) എന്നിവ 

D. (1), (3) എന്നിവ 

16. ഇന്ത്യയിൽ തെരഞ്ഞെടുപ്പിൽ മത്സരിക്കുന്നതിനുള്ള അവകാശവുമായി ബന്ധപ്പെട്ട താഴെ തന്നിരിക്കുന്ന പ്രസ്താവനകളിൽ ശരിയായവയേവ :

(1) തെരഞ്ഞെടുപ്പിൽ മത്സരിക്കുന്നതിന് കുറഞ്ഞ പ്രായപരിധി നിർണ്ണയിച്ചിട്ടുണ്ട്. അതു പ്രകാരം ലോകസഭയിലേക്കും സംസ്ഥാന നിയമസഭയിലേക്കും മത്സരിക്കുന്നതിന് ഒരു വ്യക്തിക്ക് കുറഞ്ഞത് 25 വയസ്സ് പ്രായമെങ്കിലും ഉണ്ടായിരിക്കണം  

(2) ഏതെങ്കിലും കുറ്റകൃത്യത്തിന്  ഒന്നോ അതിലധികമോ വർഷം തടവുശിക്ഷ അനുഭവിച്ചിട്ടുള്ള ഒരു വ്യക്തിക്ക് തെരഞ്ഞെടുപ്പിൽ മത്സരിക്കുന്നതിൽ നിന്ന് അയോഗ്യത കൽപ്പിച്ചിട്ടുണ്ട്  

A. (1) ശരി (2) തെറ്റ് 

B. (1) തെറ്റ് (2) ശരി 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

17. താഴെ കൊടുത്തിരിക്കുന്ന ലോക്സഭാ മണ്ഡലങ്ങളിൽ കേരളത്തിൽ പട്ടികജാതിക്കാർക്ക് വേണ്ടി സംവരണം ചെയ്തിരിക്കുന്ന മണ്ഡലങ്ങളേവ :

(1) ആറ്റിങ്ങൽ 

(2) ആലത്തൂർ 

(3) വയനാട്

(4) മാവേലിക്കര 

A. (1), (2), (3) എന്നിവ 

B. (2), (4) എന്നിവ 

C. (1), (3), (4) എന്നിവ 

D. (2), (3) എന്നിവ 

18. ഒരു പൗരന് വോട്ടവകാശം നിഷേധിക്കുന്ന വ്യവസ്ഥകൾ താഴെ കൊടുത്തിരിക്കുന്നവയിൽ ഏതെല്ലാമാണ് :

(1) നിശ്ചിത പ്രായപരിധി തികയാത്തവർ 

(2) ഇന്ത്യയിൽ താമസമില്ലാത്തവർ  

(3) മാനസിക രോഗികൾ 

(4) കുറ്റവാളികൾ (  അഴിമതി തെരഞ്ഞെടുപ്പുമായി ബന്ധപ്പെട്ട കുറ്റകൃത്യങ്ങൾ, നിയമവിരുദ്ധ പ്രവർത്തികൾ തുടങ്ങിയവ )

(5) തെരഞ്ഞെടുപ്പു പട്ടികയിൽ പേരില്ലാത്തവർ  

A. (1), (5) എന്നിവ 

B. (1), (2), (5) എന്നിവ 

C. (1), (2), (4), (5) എന്നിവ  

D. (1), (2), (3), (4), (5) എന്നിവ

19. നിയോജക മണ്ഡലങ്ങൾ സംവരണം ചെയ്യുന്നതുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകൾ പരിശോധിച്ച് ശരിയായവ തെരഞ്ഞെടുക്കുക :

(1) തെരഞ്ഞെടുപ്പ് സമ്പ്രദായത്തിൽ ഒരു നിയോജക മണ്ഡലത്തിൽ നിന്ന് ഏറ്റവും കൂടുതൽ വോട്ട് നേടുന്ന സ്ഥാനാർഥിയാണ് വിജയിക്കുക ഇത് ചെറിയ സാമൂഹിക വിഭാഗങ്ങളെ പലപ്പോഴും ദോഷകരമായി ബാധിക്കുന്നു.

(2) ജാതീയ വിവേചനങ്ങളും പീഡനങ്ങളും നിലനിന്നൊരു സാമൂഹിക വ്യവസ്ഥയിൽ കേവല ഭൂരിപക്ഷ വ്യവസ്ഥ നടപ്പിലാക്കുമ്പോൾ സമൂഹത്തിലെ പ്രബല വിഭാഗങ്ങളും ഉന്നത ജാതികളിൽപ്പെട്ടവരും എല്ലായിടത്തും വിജയം നേടും. അടിച്ചമർത്തപ്പെട്ട സാമൂഹിക വിഭാഗങ്ങൾക്ക് ഒരിക്കലും പ്രാതിനിധ്യം ലഭിക്കുകയില്ല.

(3) സംവരണ സമ്പ്രദായത്തിൽ ഒരു നിയോജകമണ്ഡലത്തിലെ എല്ലാ വോട്ടർമാർക്കും വോട്ടു ചെയ്യാനുള്ള അർഹതയുണ്ടായിരിക്കും. എന്നാൽ ഏതു സമുദായത്തിന് വേണ്ടിയാണോ / സാമൂഹ്യ വിഭാഗത്തിനു വേണ്ടിയാണോ ആ സീറ്റ് സംവരണം ചെയ്തിട്ടുള്ളത്, ആ സമുദായത്തിലെ / സാമൂഹ്യ വിഭാഗത്തിലെ അംഗങ്ങൾക്കു മാത്രമേ സ്ഥാനാർത്ഥിയാകാൻ കഴിയുകയുള്ളൂ

(4) സ്വാതന്ത്ര്യത്തിനു മുൻപ് തന്നെ ഇന്ത്യയിൽ ബ്രിട്ടീഷ് ഗവൺമെന്റ് മുസ്‌ലിംകൾക്ക് പ്രത്യേക നിയോജക മണ്ഡലങ്ങൾ അനുവദിച്ചു കൊണ്ട് മൊണ്ടേഗു - ചെംസ്ഫോർഡ് ഭരണപരിഷ്കാരങ്ങളിൽ സാമുദായിക സംവരണം നടത്തി.

A. (1), (2), (3), (4) എന്നിവ 

B. (1), (2), (3) എന്നിവ 

C. (1), (2) എന്നിവ 

D. (1), (3), (4) എന്നിവ 

20. തെരഞ്ഞെടുപ്പു കമ്മീഷനുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായവയേവ :

(1) മുഖ്യ തെരഞ്ഞെടുപ്പ് കമ്മീഷണറാണ് തെരഞ്ഞെടുപ്പ് കമ്മീഷന്റെ അദ്ധ്യക്ഷൻ. എന്നാൽ അദ്ദേഹത്തിനു മറ്റു തെരഞ്ഞെടുപ്പ് കമ്മീഷണർമാരെക്കാൾ കൂടുതൽ അധികാരങ്ങളൊന്നുമില്ല 

(2) രാഷ്ട്രപതിയാണ് തെരഞ്ഞെടുപ്പ് കമ്മീഷനെ നിയമിക്കുന്നത്. മന്ത്രിസഭയുടെ ഉപദേശ പ്രകാരം അദ്ദേഹം മുഖ്യ തെരഞ്ഞെടുപ്പ് കമ്മീഷണറെയും മറ്റു രണ്ടു കമ്മീഷണർമാരെയും നിയമിക്കുന്നു  

(3) മുഖ്യ തിരഞ്ഞെടുപ്പ് കമ്മീഷണറുടെയും തെരഞ്ഞെടുപ്പ് കമ്മീഷണർമാരുടെയും കാലാവധിയുടെ സുരക്ഷ ഭരണഘടന ഉറപ്പു വരുത്തുന്നുണ്ട്. കമ്മീഷണർമാരുടെ കാലാവധി ആറു വർഷമാണ്. അതിനു മുൻപ് 65 വയസ്സ് പൂർത്തിയായാൽ അവർ പിരിഞ്ഞു പോകണം 

(4) തദ്ദേശ സ്വയംഭരണ സ്ഥാപനങ്ങളിലേക്ക് തെരഞ്ഞെടുപ്പ് നടത്താനുള്ള ഉത്തരവാദിത്വം ദേശീയ തെരഞ്ഞെടുപ്പ് കമ്മീഷനാണ്

(5) പെരുമാറ്റ ദൂഷ്യമോ, ശാരീരികമോ മാനസികമോ ആയ അയോഗ്യതയോ തെളിയിക്കപ്പെട്ടാൽ രാഷ്ട്രപതിക്ക് തെരഞ്ഞെടുപ്പ് കമ്മീഷണർമാരെ നീക്കം ചെയ്യാം 

A. ഇവയെല്ലാം 

B. (1), (2), (3), (5) എന്നിവ  

C. (1), (2), (5) എന്നിവ 

D. (2), (3), (4), (5) എന്നിവ

Answers:

Plus One Political Science -Statement Type Questions -Set 2

 1. കരുതൽ തടങ്കലുമായി ബന്ധപ്പെട്ട ശരിയായ പ്രസ്താവനകളേവ :

(1) ഒരു വ്യക്തിയെ ആറുമാസത്തിൽ കൂടുതൽ കരുതൽ തടങ്കലിൽ പാർപ്പിക്കാൻ പാടില്ല. ആറു മാസത്തിനു ശേഷം ആ കേസ് പുനഃപരിശോധനയ്ക്കായി ഒരു ഉപദേശക സമിതിയുടെ മുൻപിൽ കൊണ്ടുവരണം 

(2) ഒരു വ്യക്തി രാഷ്ട്രത്തിന്റെ സുരക്ഷയ്ക്കോ, ക്രമസമാധാനത്തിനോ ഭീഷണി ഉയർത്തുമെന്ന് ഗവൺമെന്റിന് തോന്നുകയാണെങ്കിൽ അയാളെ അറസ്റ്റ് ചെയ്യാനും വിചാരണയില്ലാതെ തടങ്കലിൽ വെക്കാനും ഗവൺമെന്റിന് അധികാരമുണ്ട്  

(3) കരുതൽ തടങ്കലിൽ പാർപ്പിക്കുന്നതിന് മുൻപായി വ്യക്തിയെ അതിനുള്ള കാരണവും അയാളിൽ ചുമത്തിയിരിക്കുന്ന കുറ്റവും അറിയിച്ചിരിക്കണം 

(4) കരുതൽ തടങ്കലിൽ പാർപ്പിച്ചിരിക്കുന്ന വ്യക്തിക്ക് അതിനെതിരെ ബന്ധപ്പെട്ടവർക്ക് നിവേദനം നൽകാനുള്ള സ്വാതന്ത്ര്യമുണ്ട് 

A. (2), (3) എന്നിവ 

B. (1), (2), (3), (4) എന്നിവ 

C. (1), (2), (3) എന്നിവ 

D. (2), (3), (4) എന്നിവ         

2. താഴെ കൊടുത്തിരിക്കുന്നവയിൽ നിർദേശക തത്വങ്ങളുമായി ബന്ധപ്പെട്ട ശരിയായ പ്രസ്താവനകളേവ :

(1) നിർദ്ദേശക തത്വങ്ങളുടെ വ്യാപ്തി പരിമിതമാണ് 

(2) നിർദേശക തത്വങ്ങൾ ഒരു ക്ഷേമ രാഷ്ട്രത്തിന്റെ ആശയാദർശങ്ങളെ ഉൾക്കൊള്ളുന്നു 

(3) നിർദ്ദേശക തത്വങ്ങൾ ന്യായവാദാർഹങ്ങളല്ല. നടപ്പിലാക്കപ്പെട്ടില്ലെങ്കിൽ കോടതിയെ സമീപിക്കാൻ കഴിയില്ല  

(4) നിർദേശക തത്വങ്ങൾ പൗര സ്വാതന്ത്ര്യത്തിന് ഊന്നൽ നൽകുന്നു 

A. (1), (2) എന്നിവ 

B. (2), (3) എന്നിവ 

C. (1), (2), (3) എന്നിവ 

D. (1), (2), (3), (4) എന്നിവ 

3. മൗലികാവകാശങ്ങളുമായി ബന്ധപ്പെട്ട ശരിയായ പ്രസ്താവനകളേവ :

(1) ഭരണഘടന ഉറപ്പു നൽകുന്നതും ജുഡീഷ്യറി സംരക്ഷിക്കുന്നതുമായ അവകാശങ്ങളാണ് മൗലികാവകാശങ്ങൾ  

(2) മൗലികാവകാശങ്ങൾ അനുവദിക്കണമെന്ന് ആദ്യമായി നിർദ്ദേശിച്ചത് സ്വരൺ സിങ് കമ്മിറ്റിയാണ് 

(3) ഗവൺമെന്റിന്റെ ഏകാധിപത്യ പ്രവർത്തനങ്ങളിൽ നിന്നും മറ്റു സ്വകാര്യ പൗരന്മാരുടെ അവകാശ നിഷേധങ്ങളിൽ നിന്നും വ്യക്തികളെയും ന്യൂനപക്ഷ വിഭാഗങ്ങളെയും സംരക്ഷിക്കുക, പൗരന്മാരുടെ വ്യക്തിത്വ വികസനം ഉറപ്പുവരുത്തുക, ജനാധിപത്യ വിജയം ഉറപ്പു വരുത്തുക തുടങ്ങിയവയാണ് മൗലികാവകാശങ്ങളുടെ ലക്ഷ്യങ്ങൾ  

(4) മൗലികാവകാശങ്ങൾ ഇന്ത്യൻ ഭരണഘടനയിൽ മൂന്നാം ഭാഗത്ത് 12 മുതൽ 36 വരെ വകുപ്പുകളിൽ പ്രതിപാദിക്കുന്നു 

A. (1), (2), (3), (4) എന്നിവ  

B. (1), (2), (3) എന്നിവ 

C. (1), (3) എന്നിവ  

D. (1), (3), (4) എന്നിവ 

4. ക്വോ വാറന്റോ റിട്ടുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) ഒരാളെ അയാൾക്ക് അർഹതയില്ലാത്ത ഉദ്യോഗം വഹിക്കുന്നതിൽ നിന്ന് തടഞ്ഞുകൊണ്ട് ഹൈക്കോടതിയോ സുപ്രീംകോടതിയോ പുറപ്പെടുവിക്കുന്ന ഉത്തരവാണ് ക്വോ വാറന്റോ 

(2) ക്വോ വാറന്റോ റിട്ട് സ്വകാര്യ വ്യക്തികൾക്കും പൊതു സ്ഥാപനങ്ങൾക്കും ബാധകമാണ്  

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

5. നിയമത്തിനു മുന്നിൽ സമത്വം ; നിയമം മുഖേന തുല്യ സംരക്ഷണം എന്നതിനെക്കുറിച്ച് താഴെ കൊടുത്തിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) ഇന്ത്യക്കകത്ത് ഒരു വ്യക്തിക്കും നിയമത്തിനു മുന്നിൽ സമത്വവും നിയമം മുഖേനയുള്ള തുല്യ സംരക്ഷണവും നിഷേധിക്കരുത് എന്ന് ഇന്ത്യൻ ഭരണഘടനയിലെ 14 ആം വകുപ്പിൽ പ്രതിപാദിക്കുന്നു 

(2) നിയമം മുഖേനയുള്ള തുല്യ സംരക്ഷണമെന്നത് ബ്രിട്ടീഷ് പൊതു നിയമത്തിന്റെ ഒരു ആശയമാണ് 

(3) നിയമത്തിനു മുന്നിൽ സമത്വം എന്നത് അമേരിക്കൻ ഭരണഘടനയിൽ നിന്ന് ഉരുത്തിരിഞ്ഞ ആശയമാണ് 

A. (1), (2), (3) എന്നിവ 

B. (2), (3) എന്നിവ  

C. (1) മാത്രം 

D. (1), (2) എന്നിവ 

6. ജീവനും വ്യക്തി സ്വാതന്ത്ര്യത്തിനുമുള്ള അവകാശവുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായ പ്രസ്താവനകളേവ :

(1) നിയമപരമായ നടപടി മുഖേനയല്ലാതെ ഒരാൾക്ക് അയാളുടെ ജീവനോ വ്യക്തി സ്വാതന്ത്ര്യമോ നിഷേധിക്കാൻ പാടില്ലെന്ന് ഈ അവകാശം അനുശാസിക്കുന്നു 

(2) ജീവനും വ്യക്തി സ്വാതന്ത്ര്യത്തിനുമുള്ള അവകാശം മൗലികാവകാശങ്ങളുടെ അടിത്തറ എന്നറിയപ്പെടുന്നു 

(3) ഒരു പൗരനും വ്യക്തിസ്വാതന്ത്ര്യം നിഷേധിക്കാൻ പാടില്ല. ഭരണാധികാരികൾക്കും ഉദ്യോഗസ്ഥർക്കും തോന്നിയ മട്ടിൽ ഒരാളെ അറസ്റ്റ് ചെയ്യാനോ, ജയിലിലടക്കാനോ,

ശിക്ഷിക്കാനോ അവകാശമില്ല

(4) അറസ്റ്റ് ചെയ്യപ്പെടുന്ന വ്യക്തിക്ക് അറസ്റ്റിന്റെ കാരണം അറിയാനുള്ള അവകാശമുണ്ട് 

(5) ജീവിക്കാനുള്ള അവകാശത്തിൽ പാർപ്പിടവും ഉപജീവനത്തിനുമുള്ള അവകാശം ഉൾപ്പെടുന്നില്ല 

A. ഇവയെല്ലാം 

B. (1), (2), (3), (4) എന്നിവ 

C. (1), (3), (4) എന്നിവ  

D. (1), (2), (4) എന്നിവ

7.  അവകാശപത്രികയുമായി ബന്ധപ്പെട്ട ശരിയായ പ്രസ്താവനകളേവ :

(1) ജനാധിപത്യ രാജ്യങ്ങളുടെ ഭരണഘടനയിൽ പൗരന്മാരുടെ അവകാശങ്ങളുടെ പട്ടിക ഉൾപ്പെടുത്തിയിരിക്കുന്നു. ഭരണഘടന സൂചിപ്പിക്കുകയും സംരക്ഷിക്കുകയും ചെയ്യുന്ന ഈ അവകാശപട്ടികയെ അവകാശപത്രിക എന്ന് വിളിക്കുന്നു  

(2) അവകാശ പത്രിക വ്യക്തികളുടെ അവകാശങ്ങൾക്ക് എതിരെ പ്രവർത്തിക്കുന്നതിൽ നിന്ന് ഗവൺമെന്റിനെ വിലക്കുന്നു 

(3) വ്യക്തികളുടെ അവകാശങ്ങൾ ലംഘിക്കപ്പെടുമ്പോൾ അതിനുള്ള പരിഹാരങ്ങളൊന്നും അവകാശപത്രിക നൽകുന്നില്ല 

A. (1), (2), (3) എന്നിവ 

B. (1), (2) എന്നിവ 

C. (1), (3) എന്നിവ 

D. (2), (3) എന്നിവ 

8. പൗരന്മാരുടെ മൗലിക ചുമതലകളുമായി ബന്ധപ്പെട്ട ശരിയായ പ്രസ്താവനകളേവ :

(1) 1976 ലെ 42 ആം ഭരണഘടനാ ഭേദഗതിയുടെ ഭാഗമായി മൗലിക ചുമതലകൾ ഇന്ത്യൻ ഭരണഘടനയിൽ കൂട്ടിച്ചേർത്തു 

(2) ഇന്ത്യൻ ഭരണഘടനയിൽ 11 മൗലിക ചുമതലകളാണുള്ളത്  

(3) മൗലിക ചുമതലകൾ നിയമവിധേയമാണ് 

(4) പൊതുമുതൽ സംരക്ഷിക്കുകയും അക്രമങ്ങൾ ഒഴിവാക്കുകയും ചെയ്യുക എന്നത് മൗലിക ചുമതലകളിൽ ഉൾപ്പെടുന്നു  

A. (1), (2) എന്നിവ 

B. (1), (2), (4) എന്നിവ 

C. (1), (2), (3) എന്നിവ 

D. (1), (2), (3), (4) എന്നിവ 

9. ചുവടെ കൊടുത്തിരിക്കുന്നവയിൽ ഇന്ത്യൻ ഭരണഘടനയിലെ മൂന്നാം ഭാഗത്തിൽ പ്രതിപാദിക്കുന്നവയേവ :

(1) സ്വാതന്ത്ര്യത്തിനുള്ള അവകാശം 

(2) ചൂഷണത്തിനെതിരെയുള്ള അവകാശം 

(3) സ്വത്തവകാശം  

(4) സമത്വാവകാശം 

(5) മതസ്വാതന്ത്ര്യത്തിനുള്ള അവകാശം 

A. (1), (2), (3), (4), (5) എന്നിവ 

B. (1), (3), (4), (5) എന്നിവ 

C. (1), (3), (5) എന്നിവ 

D. (1), (2), (4), (5) എന്നിവ 

10. ഗാന്ധിജിയുടെ സാമൂഹ്യ സമത്വ സിദ്ധാന്തം ആവിഷ്കരിക്കുക എന്ന ഉദ്ദേശത്തോടുകൂടിയുള്ള ഭരണഘടനാ വകുപ്പ് താഴെ കൊടുത്തിരിക്കുന്നവയിൽ ഏതാണ് :

A. അനുച്ഛേദം 14 

B. അനുച്ഛേദം 15    

C. അനുച്ഛേദം 16

D. അനുച്ഛേദം 18

11. അയിത്ത നിർമാർജനവുമായി ബന്ധപ്പെട്ട ശരിയായ പ്രസ്താവനകളേവ :

(1) ഇന്ത്യൻ ഭരണഘടനയുടെ 17 ആം വകുപ്പ് അയിത്താചരണം നിരോധിക്കുന്നു 

(2) 1958 ജൂണിൽ അയിത്ത വിരുദ്ധ നിയമം ഇന്ത്യയിൽ നിലവിൽ വന്നു. ഇതുപ്രകാരം അയിത്താചരണം ശിക്ഷാർഹമായ കുറ്റമായി തീർന്നു  

A. (1) ഉം (2) ഉം ശരി 

B. (1) ശരി (2) തെറ്റ് 

C. (2) ശരി (1) തെറ്റ് 

D. (1) ഉം (2) ഉം തെറ്റ് 

12. ദേശീയ മനുഷ്യാവകാശ കമ്മീഷനുമായി ബന്ധപ്പെട്ട ശരിയായ പ്രസ്താവനകളേവ :

(1) 1993 ഒക്ടോബർ 12 നാണ് ഇന്ത്യാ ഗവൺമെന്റ് ദേശീയ മനുഷ്യാവകാശ കമ്മീഷനെ നിയമിച്ചത്  

(2) മനുഷ്യാവകാശ ലംഘനത്തിന് ഇരയായ വ്യക്തി നൽകിയ പരാതിയുടെ അടിസ്ഥാനത്തിൽ അല്ലെങ്കിൽ സ്വന്തമായി മുൻകൈയെടുത്തോ അന്വേഷണം നടത്തുക, അന്തേവാസികളുടെ സ്ഥിതി നേരിട്ട് അറിയുന്നതിന് ജയിലുകൾ സന്ദർശിക്കുക, മനുഷ്യാവകാശങ്ങളെക്കുറിച്ച് ഗവേഷണങ്ങൾ നടത്തുകയും പ്രോത്സാഹിപ്പിക്കുകയും ചെയ്യുക എന്നിവ കമ്മീഷന്റെ പ്രധാന ചുമതലകളാണ് 

(3) പരാതികളിന്മേൽ ശിക്ഷാ നടപടികൾ നൽകാൻ ദേശീയ മനുഷ്യാവകാശ കമ്മീഷന് അധികാരമുണ്ട് 

A. (1), (2), (3) എന്നിവ 

B. (1) മാത്രം 

C. (1), (2) എന്നിവ 

D. (2) മാത്രം

13. ബഹുമതികൾ ഒഴിവാക്കുന്നതുമായി ബന്ധപ്പെട്ട താഴെ തന്നിരിക്കുന്ന പ്രസ്താവനകളിൽ ശരിയായവയേവ :

(1) പട്ടാള ബഹുമതികളും വിദ്യാഭ്യാസ ബഹുമതികളും ഒഴിച്ചുള്ള ബഹുമതികൾ നൽകുന്നതിൽ നിന്ന് ഭരണഘടനയുടെ 18 ആം വകുപ്പ് രാഷ്ട്രത്തെ വിലക്കുന്നു 

(2) ഒരു ഇന്ത്യൻ പൗരന് ഏതെങ്കിലും വിദേശ രാഷ്ട്രത്തിൽ നിന്ന് ഏതെങ്കിലും ബഹുമതി സ്വീകരിക്കുന്നതിന് ഇന്ത്യൻ ഭരണഘടന പ്രകാരം തടസ്സങ്ങളില്ല  

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശെരി 

D. (1) ഉം (2) ഉം തെറ്റ് 

14. വിദ്യാഭ്യാസത്തിനുള്ള അവകാശവുമായി ബന്ധപ്പെട്ട ശരിയായ പ്രസ്താവനയേവ :

(1) രാഷ്ട്രവും നിയമവും നിർണയിക്കുന്ന രീതിയിൽ 6 മുതൽ 14 വയസ്സ് വരെ പ്രായമുള്ള എല്ലാ കുട്ടികൾക്കും സൗജന്യവും നിർബന്ധിതവുമായ വിദ്യാഭ്യാസം നൽകണമെന്ന് 2001 ലെ 86 ആം ഭരണഘടനാ ഭേദഗതിയിലൂടെ 21എ എന്നൊരു പുതിയ വകുപ്പ് ഭരണഘടനയിൽ   കൂട്ടിച്ചേർത്തു  

(2) വിദ്യാഭ്യാസത്തിനുള്ള അവകാശ നിയമം അഥവാ കുട്ടികൾക്ക് സൗജന്യവും നിർബന്ധിതവുമായ വിദ്യാഭ്യാസത്തിനുള്ള അവകാശ നിയമം 2010 ഏപ്രിൽ 1 ന് ഇന്ത്യയിൽ നിയമം  നിലവിൽ വന്നു.

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

15. ചുവടെ പറയുന്നവയിൽ ശരിയായ പ്രസ്താവനകൾ തെരഞ്ഞെടുക്കുക :

(1) സാധാരണ അവകാശങ്ങളെ സംരക്ഷിക്കുന്നതും നടപ്പിലാക്കുന്നതും സാധാരണ നിയമമാണ്. എന്നാൽ മൗലികാവകാശങ്ങളെ സംരക്ഷിക്കുന്നതും ഉറപ്പാക്കുന്നതും രാജ്യത്തെ ഭരണഘടനയാണ്.

(2) നിയമ നിർമ്മാണ സഭകൾക്ക് സാധാരണ നിയമനിർമ്മാണ പ്രക്രിയയിലൂടെ സാധാരണ അവകാശങ്ങളിലും മൗലികാവകാശങ്ങളിലും മാറ്റം വരുത്താൻ കഴിയും 

(3) ഗവൺമെന്റിന്റെ ഒരു ഘടകവും മൗലികാവകാശങ്ങളെ ലംഘിക്കുന്ന രീതിയിൽ പ്രവർത്തിക്കാൻ പാടുള്ളതല്ല

A. (1), (3) എന്നിവ 

B. (1), (2), (3) എന്നിവ 

C. (2), (3) എന്നിവ 

D. (1), (2) എന്നിവ 

16. ചൂഷണത്തിനെതിരെയുള്ള അവകാശവുമായി ബന്ധപ്പെട്ട ശരിയായ പ്രസ്താവനകളേവ :

(1) ഒരു വ്യക്തിയെ മറ്റൊരു വ്യക്തി ചൂഷണം ചെയ്യുന്നതിനെ ഭരണഘടന കുറ്റകരമായി കണക്കാക്കുന്നു 

(2) ഭരണഘടനയിലെ 23, 24 വകുപ്പുകൾ ചൂഷണത്തിനെതിരെയുള്ള അവകാശങ്ങൾ ഉറപ്പു നൽകുന്നു  

(3) മനുഷ്യനെ വിൽപ്പന ചരക്കാക്കുന്നതും അടിമയാക്കുന്നതും നിർബന്ധിതമായി തൊഴിലെടുപ്പിക്കുന്നതും ഭരണഘടന നിരോധിക്കുന്നു 

(4) ബെഗാർ അഥവാ നിർബന്ധിത വേലയും ഭരണഘടന നിരോധിച്ചിട്ടുണ്ട്.  

A. ഇവയെല്ലാം 

B. (1), (2), (3) എന്നിവ 

C. (1), (3) എന്നിവ  

D. (1), (3), (4) എന്നിവ 

17.  താഴെ പറയുന്നവയിൽ ശരിയായ പ്രസ്താവനകളേവ :

(1) ഭരണഘടനയുടെ പതിനാറാം വകുപ്പ് സർക്കാർ ജോലിയുടെ കാര്യത്തിൽ പൗരന്മാർക്ക് അവസരസമത്വം നൽകുന്നു. രാഷ്ട്രത്തിന്റെ കീഴിൽ വരുന്ന ഏതു സ്ഥാപനത്തിലേക്കുള്ള തൊഴിലിനും നിയമനത്തിനും ഇത് ബാധകമാണ്.

(2) സാമൂഹികവും വിദ്യാഭ്യാസപരവുമായി പിന്നോക്കം നിൽക്കുന്ന സമൂഹങ്ങൾക്കും പട്ടികജാതി/ പട്ടിക വർഗ്ഗങ്ങൾക്കും അനുകൂലമായി നിയമനത്തിൽ സംവരണം ഏർപ്പെടുത്തുന്നതിന് നിയമം ഉണ്ടാക്കാൻ 16 ആം വകുപ്പ് രാഷ്ട്രത്തിന് അധികാരം നൽകുന്നു  

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

18. സ്വാതന്ത്ര്യത്തിനുള്ള അവകാശം ഉറപ്പു നൽകുന്ന ഭരണഘടന അനുഛേദം :

A. അനുച്ഛേദം (14-18)

B. അനുച്ഛേദം (19-22)

C. അനുച്ഛേദം (23-24)

D. അനുച്ഛേദം (25-28)

19. ചേരുംപടി ചേർക്കുക.

(1)  അവസരസമത്വം  

(2) ബഹുമതികൾ ഒഴിവാക്കൽ  

(3) അയിത്ത നിർമാർജനം  

(4) വിവേചനത്തിൽ നിന്നും സംരക്ഷണം

a. അനുച്ഛേദം 15

b. അനുച്ഛേദം 16

c. അനുച്ഛേദം 17

d. അനുച്ഛേദം 18

A. 1-a, 2-d, 3-c, 4-b

B. 1-b, 2-d, 3-a, 4-c

C. 1-a, 2-b, 3-c, 4-d

D. 1-b, 2-d, 3-c, 4-a 

20. മതസ്വാതന്ത്ര്യത്തിനുള്ള അവകാശവുമായി ബന്ധപ്പെട്ട ശരിയായ പ്രസ്താവനകൾ തെരഞ്ഞെടുക്കുക :

(1) ഗവൺമെന്റിന്റെ ഉടമസ്ഥതയിലും ഉത്തരവാദിത്വത്തിലുമുള്ള വിദ്യാഭ്യാസ സ്ഥാപനങ്ങളിൽ മത ബോധനം നടത്തുന്നതിന് ഭരണഘടന  അനുമതി നൽകിയിട്ടുണ്ട്  

(2) ഏതെങ്കിലുമൊരു മതത്തിന്റെയോ മതവിഭാഗത്തിന്റെയോ ഉന്നമനത്തിനോ പരിപാലനത്തിനോ വേണ്ടിവരുന്ന ചെലവുകൾക്കായി നികുതി പിരിക്കാൻ മതവിഭാഗങ്ങൾക്ക് അവകാശമുണ്ട് 

(3) മതപരമായ കാര്യങ്ങൾ നിർവഹിക്കാനുള്ള സ്വാതന്ത്ര്യത്തിന്റെ ഭാഗമായി എല്ലാ മതവിഭാഗങ്ങൾക്കും മത ധാർമിക ലക്ഷ്യങ്ങൾക്കായി സ്ഥാപനങ്ങൾ രൂപീകരിക്കാനും നിലനിർത്താനുമുള്ള അവകാശം ഭരണഘടന ഉറപ്പു നൽകുന്നു  

(4) ക്രമസമാധാനം, സദാചാരം, ആരോഗ്യം എന്നിവയെ സംരക്ഷിക്കുന്നതിനുവേണ്ടി മത സ്വാതന്ത്ര്യത്തിനു മേൽ ഗവൺമെന്റിന് ചില നിയന്ത്രണങ്ങൾ ഏർപ്പെടുത്താവുന്നതാണ്  

A. (3), (4) എന്നിവ 

B. (2), (3), (4) എന്നിവ  

C. (1), (3) എന്നിവ  

D. ഇവയെല്ലാം

21. ന്യൂനപക്ഷങ്ങൾക്ക് സ്വന്തം ഭാഷ, ലിപി, സംസ്കാരം എന്നിവ സംരക്ഷിക്കാനുള്ള അവകാശം താഴെ കൊടുത്തിരിക്കുന്നവയിൽ ഏതു മൗലികാവകാശങ്ങളിൽ ഉൾപ്പെടുന്നു :

A. മതസ്വാതന്ത്ര്യത്തിനുള്ള അവകാശം   

B. സ്വാതന്ത്ര്യത്തിനുള്ള അവകാശം 

C. സമത്വത്തിനുള്ള അവകാശം  

D. സാംസ്കാരികവും വിദ്യാഭ്യാസപരവുമായ അവകാശം   

22. സ്വത്തവകാശത്തെ സംബന്ധിച്ചുള്ള താഴെ കൊടുത്തിരിക്കുന്ന പ്രസ്താവനകളിൽ ശരിയായവ തെരഞ്ഞെടുക്കുക :

(1) 1973 ൽ സ്വത്തവകാശം ഭരണഘടനയുടെ അടിസ്ഥാന ഘടനയുടെ ഭാഗമല്ലെന്നും അതിനാൽ ഈ അവകാശം ഒരു ഭേദഗതിയിലൂടെ കുറയ്ക്കാനുള്ള അധികാരം പാർലമെന്റിന് ഉണ്ടെന്നും സുപ്രീം കോടതി തീർപ്പു കൽപ്പിച്ചു  

(2) 1978 ൽ 44 ആം ഭരണഘടനാ ഭേദഗതി കൊണ്ടുവന്നു. അതുപ്രകാരം സ്വത്തവകാശത്തെ മൗലികാവകാശങ്ങളിൽ നിന്ന് എടുത്തുമാറ്റി 300 A വകുപ്പിൽ ഉൾപ്പെടുത്തി  

(3) 44 ആം ഭരണഘടനാ ഭേദഗതി പ്രകാരം സ്വത്താവകാശം ഒരു മൗലികാവകാശമല്ലാതായി തീർന്നു. അത് കേവലം ഒരു നിയമാവകാശമായി  

A. (1), (3) എന്നിവ 

B. (1), (2), (3) എന്നിവ  

C. (2), (3) എന്നിവ 

D. (3) മാത്രം 

23. ചേരുംപടി ചേർക്കുക.

(1) എന്ത് അധികാരം കൊണ്ട് 

(2) ഒരു കാര്യത്തെ പറ്റി അറിവ് കൊടുക്കുക  

(3) ഞങ്ങൾ കൽപ്പിക്കുന്നു 

(4) ശരീരം ഹാജരാക്കുക 

a. ഹേബിയസ് കോർപ്പസ്   

b. മാൻഡമസ്   

c. സെർഷ്യോററി   

d. ക്വോ വാറന്റോ

A. 1-d, 2-c, 3-b, 4-a

B. 1-b, 2-c, 3-d, 4-a

C. 1-c, 2-d, 3-b, 4-a

D. 1-d, 2-b, 3-c, 4-a

24. ചുവടെ നൽകിയിരിക്കുന്നവയിൽ രാഷ്ട്ര നയം രൂപപ്പെടുത്തുമ്പോൾ ഗവൺമെന്റ് സ്വീകരിക്കേണ്ട നയങ്ങളിൽ ഉൾപ്പെട്ട നിർദ്ദേശക തത്വങ്ങളേവ :

(1) ദേശീയവും ചരിത്രപരവുമായ പ്രാധാന്യമുള്ള സ്മാരകങ്ങൾ, സ്ഥലങ്ങൾ എന്നിവ സംരക്ഷിക്കുക  

(2) ഇന്ത്യയുടെ സമ്പന്നമായ സാംസ്കാരിക പൈതൃകത്തെ വിലമതിക്കുകയും കാത്തുസൂക്ഷിക്കും ചെയ്യുക

(3) വനങ്ങളും കായലുകളും വന്യജീവികളും ഉൾപ്പെടുന്ന പരിസ്ഥിതിയെ സംരക്ഷിക്കുകയും അഭിവൃദ്ധിപ്പെടുത്തുകയും ചെയ്യുക 

(4) ദുർബലവിഭാഗങ്ങളുടെ വിദ്യാഭ്യാസപരവും സാമ്പത്തികവുമായ താൽപര്യങ്ങൾ പരിപോഷിപ്പിക്കുകയും സാമൂഹ്യമായ അനീതികളിൽ നിന്ന് അവരെ സംരക്ഷിക്കുകയും ചെയ്യുക 

A. (1), (4) എന്നിവ 

B. (1), (2) എന്നിവ 

C. (1), (3), (4) എന്നിവ    

D. (1), (2), (3), (4) എന്നിവ 

25. ഭരണഘടനാപരമായ പരിഹാരങ്ങൾക്കുള്ള അവകാശവുമായി ബന്ധപ്പെട്ട ശരിയായ പ്രസ്താവനകളേവ :

(1) ഭരണഘടനാപരമായ പരിഹാരങ്ങൾക്കുള്ള അവകാശത്തെ ഡോ അംബേദ്കർ " ഭരണഘടനയുടെ ഹൃദയവും ആത്മാവും എന്ന് വിശേഷിപ്പിച്ചു "

(2) പൗരന്മാർക്ക് മൗലികാവകാശങ്ങൾ ലഭ്യമാക്കുന്നതിനുള്ള അവകാശമാണിത്. മൗലികാവകാശങ്ങൾക്ക് ഭരണഘടനാപരമായ സംരക്ഷണം നൽകുകയാണ് ഈ അവകാശം കൊണ്ട് അർത്ഥമാക്കുന്നത് 

(3) മൗലികാവകാശങ്ങളുമായി ബന്ധപ്പെട്ട് മാത്രമാണ് സുപ്രീം കോടതിക്കും ഹൈക്കോടതിക്കും  റിട്ടുകൾ പുറപ്പെടുവിക്കാൻ കഴിയുന്നത് 

(4) മൗലികാവകാശങ്ങൾ നടപ്പിലാക്കുന്നതിന് പ്രത്യേക ഉത്തരവുകൾ പുറപ്പെടുവിക്കാനും ഗവൺമെന്റിന് നിർദ്ദേശങ്ങൾ നൽകാനും സുപ്രീം കോടതിക്കും ഹൈകോടതികൾക്കും അധികാരമുണ്ട് 

A. ഇവയെല്ലാം 

B. (1), (2), (3) എന്നിവ   

C. (2), (3), (4) എന്നിവ 

D. (1), (2), (4) എന്നിവ

Answers:

Plus One - Political Science - Statement Type Questions - Set 1

 1. താഴെ കൊടുത്തിരിക്കുന്നവയിൽ ഇന്ത്യൻ ഭരണഘടനയുടെ പ്രത്യേകതകളേവ :

(1) ഇന്ത്യൻ ഭരണഘടന ഒരു സജീവ പ്രമാണമാണ് 

(2) ബുദ്ധിപൂർവ്വം രൂപപ്പെടുത്തിയ നിയന്ത്രണങ്ങളും സന്തുലനവുമാണ് ഇന്ത്യൻ ഭരണഘടനയുടെ വിജയത്തെ സുഖമമാക്കിയത്  

(3) ഇന്ത്യൻ ഭരണഘടന അധികാരത്തെ നിയമ നിർമ്മാണ സഭ, എക്സിക്യൂട്ടീവ്, ജുഡീഷ്യറി, തെരഞ്ഞെടുപ്പ് കമ്മീഷൻ തുടങ്ങിയ സ്ഥാപനങ്ങൾക്കിടയിൽ വിഭജിക്കുന്നു. ഏതെങ്കിലും ഒരു സ്ഥാപനത്തിന്റെ നിലപാടുകളെ മറ്റു സ്ഥാപനങ്ങൾ അനുകൂലിക്കുന്നു 

(4) വ്യവസ്ഥകൾക്ക് മാറ്റം വരുത്താനുള്ള സാധ്യതയും അത്തരത്തിലുള്ള മാറ്റങ്ങൾക്കുള്ള പരിധിയും തമ്മിൽ ഒരു വലിയ അന്തരം നിലനിർത്തുന്നു. അങ്ങനെ ജനങ്ങൾ ആദരിക്കുന്ന ഒരു പ്രമാണമായി എന്നുമെന്നും നിലനിൽക്കും എന്ന് ഉറപ്പുവരുത്താൻ ഇന്ത്യൻ ഭരണഘടനക്ക് കഴിഞ്ഞിട്ടുണ്ട്. 

A. (1), (2), (3), (4) എന്നിവ 

B. (1), (2), (4) എന്നിവ 

C. (1), (2), (3) എന്നിവ 

D. (1), (2) എന്നിവ        

2. ഇന്ത്യൻ ഭരണഘടന നിർമ്മാണ സഭയുമായി ബന്ധപ്പെട്ട താഴെ കൊടുത്തിരിക്കുന്ന പ്രസ്താവനകളിൽ ശരിയായവയേവ :

(1) 1945 ലെ ക്യാബിനറ്റ് മിഷൻ പദ്ധതിയിലെ നിർദ്ദേശങ്ങൾ അനുസരിച്ചാണ് ഇന്ത്യൻ ഭരണഘടനാ നിർമ്മാണ സഭ രൂപീകരിക്കപ്പെട്ടത് 

(2) ഭരണഘടനാ നിർമ്മാണ സഭയിലെ അംഗങ്ങളെ തിരഞ്ഞെടുത്തത് ബ്രിട്ടീഷ് ഇന്ത്യൻ പ്രവിശ്യകളിലെ നിയമസഭകളിൽ നിന്നും നാട്ടുരാജ്യങ്ങളിൽ നിന്നുമാണ്  

(3) ബ്രിട്ടീഷ് ഇന്ത്യൻ പ്രവിശ്യകളിൽ 1935 ലെ ഇന്ത്യാ ഗവൺമെന്റ് നിയമ പ്രകാരമാണ് നിയമസഭകൾ സ്ഥാപിക്കപ്പെട്ടത് 

(4) ഓരോ പ്രവിശ്യയിലെയും സീറ്റുകൾ മുസ്ലീങ്ങൾ, സിക്കുകാർ, ക്രൈസ്തവർ, പൊതുവിഭാഗം എന്നിങ്ങനെ സമുദായങ്ങൾക്ക് അവരുടെ ജനസംഖ്യാനുപാതിക പ്രകാരം വീതിച്ചു നൽകി

(5) നാട്ടുരാജ്യങ്ങളിൽ നിന്നുള്ള പ്രതിനിധികളെ തെരഞ്ഞെടുത്തത് തെരഞ്ഞെടുപ്പിലൂടെയാണ്  

A. (1), (2), (3), (4) എന്നിവ 

B. (2), (3), (4), (5) എന്നിവ 

C. (2), (3) എന്നിവ 

D. (2), (3), (4) എന്നിവ 

3. ഭരണഘടന ഗവൺമെന്റിന്റെ അധികാരങ്ങൾക്ക് പരിധി നിർണയിക്കുന്നതുമായി ബന്ധപ്പെട്ട ശരിയായ പ്രസ്താവനകൾ തിരഞ്ഞെടുക്കുക :

(1) ഗവൺമെന്റിന് അധികാരങ്ങൾ നൽകുന്നതോടൊപ്പം ഭരണഘടന അതിന്റെ പരിധിയും നിർണയിക്കുന്നു. ഒരു ജനാധിപത്യ ഭരണഘടന ഒരിക്കലും ഗവൺമെന്റിന് അനിയന്ത്രിതമായ അധികാരങ്ങൾ നൽകുകയില്ല  

(2) ഗവൺമെന്റിന്റെ അധികാരങ്ങൾ നിയന്ത്രിച്ചില്ലെങ്കിൽ അത് സ്വേച്ഛാധിപത്യപരമായും ജനവിരുദ്ധമായും പ്രവർത്തിക്കും 

(3) അഭിപ്രായസ്വാതന്ത്ര്യം, മനസാക്ഷിക്ക് അനുസരിച്ച് പ്രവർത്തിക്കാനുള്ള സ്വാതന്ത്ര്യം, സംഘടനാ സ്വാതന്ത്ര്യം, വ്യാപാര സ്വാതന്ത്ര്യം തുടങ്ങിയ ചില അടിസ്ഥാന സ്വാതന്ത്ര്യങ്ങൾ ഭരണഘടന പൗരന്മാർക്ക് നൽകിയിട്ടുണ്ട്. ഗവൺമെന്റിന്റെ അധികാരങ്ങൾക്ക് കടിഞ്ഞാൺ ഇടുകയാണ് ഇതിന്റെ ലക്ഷ്യം 

(4) ദേശീയ അടിയന്തരാവസ്ഥക്കാലത്ത് ഈ അവകാശങ്ങളെ പരിമിതപ്പെടുത്താനും പിൻവലിക്കാനുമുള്ള അധികാരം ഗവൺമെന്റിനുണ്ട്. എങ്കിലും ഈ അവകാശങ്ങൾ പിൻവലിക്കേണ്ട സാഹചര്യങ്ങൾ ഏതൊക്കെയാണെന്ന് ഭരണഘടന വ്യക്തമാക്കിയിട്ടുണ്ട്.

A. (1), (2), (3), (4) എന്നിവ  

B. (1), (2), (3) എന്നിവ 

C. (1), (3), (4) എന്നിവ   

D. (1), (3) എന്നിവ 

4. ചുവടെ നൽകിയിരിക്കുന്നവയിൽ ലക്ഷ്യ പ്രമേയത്തിലെ പ്രധാന ഇനങ്ങളിൽ ഉൾപ്പെടുന്നവയേവ :

(1) ഇന്ത്യ ഒരു സ്വതന്ത്ര പരമാധികാര റിപ്പബ്ലിക്കാണ് 

(2) മുൻ ബ്രിട്ടീഷ് ഇന്ത്യൻ പ്രദേശങ്ങൾ, നാട്ടുരാജ്യങ്ങൾ, ഇന്ത്യയിൽ ചേരാൻ ആഗ്രഹിക്കുന്ന മറ്റു പ്രദേശങ്ങൾ എന്നിവയുടെ ഒരു യൂണിയനായിരിക്കും ഇന്ത്യ  

(3) ഇന്ത്യൻ യൂണിയനിൽപെട്ട പ്രദേശങ്ങൾ സ്വയംഭരണാധികാരമുള്ളവയായിരിക്കും. യൂണിയനിൽ നിക്ഷിപ്തമായിട്ടുള്ള വിഷയങ്ങളടക്കം എല്ലാ കാര്യങ്ങളിലും ഈ പ്രദേശങ്ങൾക്ക് അധികാരമുണ്ടായിരിക്കും 

(4) സ്വതന്ത്ര പരമാധികാര ഇന്ത്യയുടെയും അതിന്റെ ഭരണഘടനയുടെയും സർവ്വ അധികാരങ്ങളും നീതിന്യായ വ്യവസ്ഥയിൽ നിന്നാണ് സിദ്ധിക്കുക  

A. (1), (2) എന്നിവ  

B. (1), (2), (3) എന്നിവ 

C. (1), (2), (4) എന്നിവ  

D. (1), (2), (3), (4) എന്നിവ

5. ഗവൺമെന്റ് ഒരു പൗരനോട് ഏതെങ്കിലും ഒരു മതം പിന്തുടരുവാനോ, ഒരു മതവും പിന്തുടരുവാൻ പാടില്ലെന്നോ കൽപ്പിക്കാൻ പാടില്ല - ഇത് ഭരണഘടനയുടെ ഏത് കർത്തവ്യത്തിൽ ഉൾപ്പെട്ടതാണ് :

A. ഭരണഘടനാ ഏകോപനവും ഉറപ്പും നൽകുന്നു 

B. തീരുമാനമെടുക്കാനുള്ള അധികാരം വ്യക്തമാക്കൽ 

C. ഗവൺമെന്റിന്റെ അധികാരങ്ങൾക്ക് പരിധി നിർണയിക്കൽ   

D. ജനതയ്ക്ക് മൗലികമായ ഒരു വ്യക്തിത്വം പ്രദാനം ചെയ്യുക   

6. ഭരണഘടനാ നിർമ്മാണ സഭയുടെ രൂപീകരണത്തിന്റെയും പ്രവർത്തനത്തിന്റെയും വിവിധ ഘട്ടങ്ങളെ സംബന്ധിച്ചുള്ള താഴെ  കൊടുത്തിരിക്കുന്ന പ്രസ്താവനകളിൽ ശരിയായവയേവ :

(1) 1946 ഓഗസ്റ്റിൽ ഭരണഘടന നിർമ്മാണ സഭയിലേക്കുള്ള തെരഞ്ഞെടുപ്പ് നടന്നു

(2) 1946 ഡിസംബർ 9 ന് അവിഭക്ത ഇന്ത്യയുടെ ഭരണഘടനാ നിർമ്മാണ സഭയുടെ ആദ്യ സമ്മേളനം മുംബൈയിൽ വെച്ച് നടന്നു. ഡോ സച്ചിദാനന്ദ സിൻഹ താൽക്കാലിക അധ്യക്ഷനായി തെരഞ്ഞെടുക്കപ്പെട്ടു. 

(3) 1946 ഡിസംബർ 11 ണ് ഡോ രാജേന്ദ്രപ്രസാദ് ഭരണഘടനാ നിർമ്മാണ സഭയുടെ സ്ഥിരം അധ്യക്ഷനായി തെരഞ്ഞെടുക്കപ്പെട്ടു 

(4) വിഭക്ത ഇന്ത്യയുടെ ഭരണഘടനാ നിർമാണസഭ ആദ്യമായി ചേർന്നത് 1947 ഓഗസ്റ്റ് 16 നാണ്.

(5) വിഭക്ത ഇന്ത്യയിലെ ഭരണഘടനാ നിർമാണ സഭയിൽ 299 അംഗങ്ങളാണ് ഉണ്ടായിരുന്നത് 

A. (3), (5) എന്നിവ  

B. (1), (3), (4), (5) എന്നിവ 

C. (3), (4), (5) എന്നിവ  

D. (2), (3), (5) എന്നിവ 

7. ഇന്ത്യൻ ഭരണഘടന മറ്റു രാജ്യങ്ങളിൽ നിന്ന് കടംകൊണ്ട വ്യവസ്ഥകളുമായി ബന്ധപ്പെട്ട ശരിയായ ജോഡികൾ തിരഞ്ഞെടുക്കുക :

(1) തെരഞ്ഞെടുക്കപ്പെട്ട രാഷ്ട്രത്തലവൻ - അയർലൻഡ് 

(2) അവശിഷ്ടാധികാരങ്ങൾ - കാനഡ 

(3) സ്പീക്കർ - യുഎസ്എ

(4) ജുഡീഷ്യറിയുടെ സ്വാതന്ത്ര്യം - ബ്രിട്ടൻ 

A. (1), (2), (3), (4) 

B. (1), (2), (4) എന്നിവ 

C. (2), (4) എന്നിവ 

D. (1), (2) എന്നിവ 

8. കാലഗണനാ ക്രമത്തിലെഴുതുക :

(a) ഭരണഘടനയുടെ കരട് രൂപം തയ്യാറാക്കുന്നതിനുവേണ്ടി ഡ്രാഫ്റ്റിംഗ് കമ്മിറ്റി രൂപീകരിച്ചു 

(b) ഡോ രാജേന്ദ്രപ്രസാദ് ഭരണഘടനാ നിർമ്മാണ സഭയുടെ സ്ഥിരം അധ്യക്ഷനായി തെരഞ്ഞെടുക്കപ്പെട്ടു 

(c) ഭരണഘടനാ നിർമ്മാണ സഭ യിലേക്കുള്ള തെരഞ്ഞെടുപ്പു നടക്കുന്നു 

(d) ഭരണഘടനാ നിർമ്മാണ സഭയുടെ ആദ്യ സമ്മേളനം നടന്നു 

A. 1-c, 2-b, 3-d, 4-a

B. 1-c, 2-d, 3-a, 4-b

C. 1-b, 2-a, 3-c, 4-d

D. 1-c, 2-d, 3-b, 4-a

9. താഴെ കൊടുത്തിരിക്കുന്നവയിൽ ശരിയായ പ്രസ്താവനകളേവ :

(1) ഇന്ത്യയിൽ നിയമങ്ങൾ നിർമിക്കാനും നടപ്പിലാക്കാനും വ്യാഖ്യാനിക്കാനുമുള്ള കാര്യങ്ങളിൽ തീരുമാനമെടുക്കാനുള്ള അധികാരം ആർക്കെല്ലാമാണെന്ന് ഭരണഘടന വ്യക്തമാക്കുന്നുണ്ട് 

(2) ഇന്ത്യയിൽ നിയമങ്ങൾ നിർമ്മിക്കുന്നത് പാർലമെന്റാണ്. നിയമ നിർമ്മാണം നടത്തുന്നതിന് തീരുമാനമെടുക്കാനുള്ള അധികാരം പാർലമെന്റിന് നൽകുന്നത് ഭരണഘടനയാണ്  

(3) നിയമം നടപ്പിലാക്കുന്ന കാര്യത്തിൽ തീരുമാനമെടുക്കാനുള്ള അധികാരം ഭരണഘടന നൽകിയിട്ടുള്ളത് നീതിന്യായ വിഭാഗത്തിനാണ് 

(4) നിയമങ്ങൾ വ്യാഖ്യാനിക്കുന്ന കാര്യത്തിൽ തീരുമാനമെടുക്കാനുള്ള അധികാരം ഭരണഘടന നൽകിയിട്ടുള്ളത് കാര്യനിർവ്വഹണ വിഭാഗത്തിനാണ്  

A. (1), (3), (4) എന്നിവ 

B. (1), (2) എന്നിവ 

C. (1), (2), (3) എന്നിവ 

D. (1), (2), (3), (4) എന്നിവ 

10. ഭരണഘടനാ നിർമ്മാണ സഭയുമായി ബന്ധപ്പെട്ട ശരിയായ പ്രസ്താവനകളേവ :

(1) ഭരണഘടനാ നിർമ്മാണ സഭയുടെ പ്രവർത്തനം സുഗമമായി നടത്തി കൊണ്ടുപോകുന്നതിന് വിവിധ കമ്മിറ്റികൾ രൂപീകരിച്ചു. പ്രധാനപ്പെട്ട എട്ട് കമ്മിറ്റികളാണ്  ഭരണഘടനാ നിർമ്മാണ സഭയ്ക്ക് ഉണ്ടായിരുന്നത്  

(2) ജവഹർലാൽ നെഹ്റു, രാജേന്ദ്ര പ്രസാദ്, സർദാർ പട്ടേൽ, മൗലാനാ അബുൽ കലാം ആസാദ്,  അംബേദ്കർ തുടങ്ങിയ പ്രഗത്ഭരുടെ അധ്യക്ഷതയിലാണ് ഈ കമ്മിറ്റികൾ പ്രവർത്തിച്ചിരുന്നത് 

(3) ഓരോ കമ്മിറ്റിയും ഭരണഘടനയുടെ പ്രത്യേക വ്യവസ്ഥകൾ തയ്യാറാക്കുകയും സഭയിലെ എല്ലാ അംഗങ്ങളുടെയും ചർച്ചയ്ക്ക് വിധേയമാക്കുകയും ചെയ്തു  

(4) ഭരണഘടന നിർമ്മാണ സഭ രണ്ടു കൊല്ലവും ഒമ്പത് മാസവും നീണ്ടു നിന്നു. 

A. (1), (2), (3), (4) എന്നിവ  

B. (1), (2), (3) എന്നിവ  

C. (1), (2), (4) എന്നിവ 

D. (2), (3), (4) എന്നിവ 

11. ഒരു ഭരണഘടന ആധികാരികമാണോ എന്നത് തീരുമാനിക്കുന്നത് താഴെ കൊടുത്തിരിക്കുന്നവയിൽ ഏതൊക്കെ കാര്യങ്ങളെ അടിസ്ഥാനമാക്കിയാണ് :

(1) ഭരണഘടന തയ്യാറാക്കിയ വ്യക്തികൾ വിശ്വാസ യോഗ്യരായിരിക്കണം 

(2) അധികാര വിഭജനം ബുദ്ധിപൂർവ്വം നടത്തിയിട്ടുണ്ടെന്ന് ഭരണഘടന ഉറപ്പാക്കണം  

(3) ഭരണഘടന ജനങ്ങളുടെ പ്രതീക്ഷകളെയും അഭിലാഷങ്ങളെയും ഉൾക്കൊള്ളണം 

A. (1), (3) എന്നിവ 

B. (2), (3) എന്നിവ 

C. (1), (2) എന്നിവ 

D. (1), (2), (3) എന്നിവ 

12. ഒരു ഭരണഘടന ജനങ്ങൾ അംഗീകരിക്കണമെങ്കിൽ അതിലെ വ്യവസ്ഥകൾ എങ്ങനെയായിരിക്കണം :

(1) ഒരു ഭരണഘടനയ്ക്കും സമ്പൂർണ്ണ നീതി കൈവരിക്കാനാവുകയില്ല. എങ്കിലും അടിസ്ഥാന നീതി ലഭിക്കുന്നതിനുള്ള ഒരു ചട്ടക്കൂട് ഭരണഘടന പ്രദാനം ചെയ്യുന്നുണ്ടെന്ന് ജനങ്ങളെ ബോധ്യപ്പെടുത്താൻ അതിനു കഴിയണം 

(2) ഭരണഘടനയുടെ ' മുഖ്യ വ്യവസ്ഥകൾ ' എല്ലാവർക്കും സ്വീകാര്യമായതായിരിക്കണം. അവയുടെ ഉള്ളടക്കം പൗരന്മാരുടെ സ്വാതന്ത്ര്യം, സമത്വം, ക്ഷേമം എന്നിവയായിരിക്കണം 

(3) പൗരന്മാരുടെ സ്വാതന്ത്ര്യവും അസമത്വവും കാത്തു സംരക്ഷിക്കുന്ന ഒരു ഭരണഘടന ഏറ്റവും സ്വീകാര്യവും വിജയകരവുമായിരിക്കും  

A. (1), (3) എന്നിവ 

B. (1), (2) എന്നിവ 

C. (2), (3) എന്നിവ  

D. (1), (2), (3) എന്നിവ  

13. ഭരണഘടന ഡ്രാഫ്റ്റിംഗ് കമ്മിറ്റിയുമായി ബന്ധപ്പെട്ട ശരിയായ പ്രസ്താവനകൾ തിരഞ്ഞെടുക്കുക.

(1) ഭരണഘടനാ നിർമ്മിതിക്ക് ചുക്കാൻ പിടിച്ചത് ഡ്രാഫ്റ്റിംഗ് കമ്മിറ്റിയായിരുന്നു. ഭരണഘടനയുടെ കരട് തയ്യാറാക്കുന്നതിനു വേണ്ടി 1947 ൽ രൂപീകരിച്ചു.

(2) വിവിധ കമ്മിറ്റികളുടെ നിർദ്ദേശങ്ങളും അഭിപ്രായങ്ങളും പരിഗണിച്ചശേഷം ഡ്രാഫ്റ്റിംഗ് കമ്മിറ്റി ഭരണഘടനയുടെ കരട് രൂപം തയ്യാറാക്കി. 

(3) ഡ്രാഫ്റ്റിംഗ് കമ്മിറ്റിയുടെ റിപ്പോർട്ട് 1948 നവംബറിൽ ഭരണഘടനാ നിർമ്മാണ സഭ ചർച്ചയ്ക്കെടുത്തു 

(4) ഒരു വർഷത്തിലേറെ നീണ്ടുനിന്ന ചർച്ചകൾക്കും ആയിരക്കണക്കിന് ഭേദഗതികൾക്കും ശേഷം 1949 നവംബർ 26 ന് സഭ ഭരണഘടനക്ക് അംഗീകാരം നൽകി. 

A. (1), (2), (3), (4) എന്നിവ 

B. (1), (2), (4) എന്നിവ 

C. (1), (2) എന്നിവ 

D. (2), (3), (4) എന്നിവ 

14. ചേരുംപടി ചേർക്കുക.

(1) നിയമവാഴ്ച  

(2) ജുഡീഷ്യൽ പുനരവലോകനം  

(3) സ്വാതന്ത്ര്യം, സമത്വം, സാഹോദര്യം, എന്നീ ആശയങ്ങൾ  

(4) രാഷ്ട്ര നയത്തിന്റെ നിർദ്ദേശക തത്വങ്ങൾ 

a. ബ്രിട്ടൻ 

b. ഫ്രാൻസ് 

c. അയർലണ്ട് 

d. യുഎസ്എ 

A. 1-d, 2-a, 3-b, 4-c

B. 1-a, 2-d, 3-b, 4-c

C. 1-a, 2-c, 3-b, 4-d

D. 1-d, 2-a, 3-c, 4-b

15. ഒരു ഭരണഘടന തകർക്കപ്പെടാതെ നിലനിൽക്കണമെങ്കിൽ നിർവഹിക്കേണ്ട കാര്യങ്ങളിൽ ശരിയായവയേവ :

(1) അധികാര കേന്ദ്രീകരണം തടയണം. അധികാരം വ്യത്യസ്ത സ്ഥാപനങ്ങൾക്കിടയിൽ വിഭജിക്കണം 

(2) ഭരണഘടന ഉയർത്തിപ്പിടിക്കുന്ന അടിസ്ഥാന മൂല്യങ്ങൾ കാലോചിതമായ മാറ്റങ്ങളെ ഉൾക്കൊള്ളണം 

A. (1) ശരി (2) തെറ്റ് 

B. (2) ശരി (1) തെറ്റ് 

C. (1) ഉം (2) ഉം ശരി 

D. (1) ഉം (2) ഉം തെറ്റ് 

16. ഇന്ത്യൻ ഭരണഘടന ബ്രിട്ടീഷ് ഭരണഘടനയിൽ നിന്ന് കടമെടുത്ത ആശയങ്ങളിൽ ഉൾപ്പെടാത്തത് ഏത് :

(1) നിയമ നിർമ്മാണ നടപടിക്രമങ്ങൾ  

(2) റിപ്പബ്ലിക്ക് 

(3) ഫസ്റ്റ് പാസ്റ്റ് ദി പോസ്റ്റ് വ്യവസ്ഥ 

(4) അർദ്ധ ഫെഡറൽ ഗവൺമെന്റ് സംവിധാനം 

A. (2), (3) എന്നിവ 

B. (2), (3), (4) എന്നിവ 

C. (2), (4) എന്നിവ 

D. (1), (2), (4) എന്നിവ

17. ഭരണഘടനാ നിർമാണ സഭയിൽ ശക്തമായ വാദപ്രതിവാദങ്ങൾ സൃഷ്ടിച്ച ആശയങ്ങളിൽ ഉൾപ്പെടുന്നവയേവ :

(1) ജുഡീഷ്യറിയുടെ അധികാരങ്ങൾ സംബന്ധിച്ച്  

(2) കേന്ദ്ര ഗവൺമെന്റും സംസ്ഥാനങ്ങളും തമ്മിലുള്ള ബന്ധം 

(3) സാർവത്രിക പ്രായപൂർത്തി വോട്ടവകാശം 

(4) സ്വത്തവകാശത്തിന് ഭരണഘടന സംരക്ഷണം നൽകണമോ ?

(5) കേന്ദ്രീകൃതമോ വികേന്ദ്രീകൃതമോ ആയ ഒരു ഭരണ സംവിധാനമാണോ ഇന്ത്യക്ക് വേണ്ടത് 

A. (1), (2), (3), (4), (5) എന്നിവ 

B. (1), (2), (3), (4) എന്നിവ 

C. (2), (4), (5) എന്നിവ 

D. (1), (2), (4), (5) എന്നിവ 

18. ഭരണഘടനയുടെ സ്ഥാപനപരമായ ക്രമീകരണങ്ങളെ സംബന്ധിച്ച് ശരിയായ പ്രസ്താവനകളേവ :

(1) നിയമനിർമ്മാണസഭ, എക്സിക്യൂട്ടീവ്, ജുഡീഷ്യറി എന്നീ മൂന്ന് സ്ഥാപനങ്ങൾക്കിടയിൽ അധികാര വിഭജനം നടത്തി കൊണ്ട് ഭരണഘടനാ നിർമ്മാണ സഭ കൃത്യമായ സന്തുലിതാവസ്ഥ സ്ഥാപിച്ചു  

(2) ഭരണസംവിധാനത്തിനു വേണ്ടി ഒരു പാർലമെന്ററി ഭരണരീതിയ്ക്കും ഒരു ഫെഡറൽ സംവിധാനത്തിനും രൂപം നൽകി 

(3) വികേന്ദ്രീകരണത്തിന് വേണ്ടി നിയമനിർമാണസഭയ്ക്കും എക്സിക്യൂട്ടീവിനുമിടയിലും കേന്ദ്ര ഗവൺമെന്റിനും സംസ്ഥാന ഗവൺമെന്റുകൾക്കിടയിലും ഗവൺമെന്റിന്റെ അധികാരങ്ങൾ പങ്കുവച്ചു 

A. (1), (2) എന്നിവ 

B. (2), (3) എന്നിവ 

C. (1), (3) എന്നിവ   

D. (1), (2), (3) എന്നിവ 

19. താഴെ തന്നിരിക്കുന്നവയിൽ ശരിയായ പ്രസ്താവനകളേവ :

(1) ദേശീയ പ്രസ്ഥാനത്തിൽ നിന്ന് ഭരണഘടന നിർമാണസഭ ഉൾക്കൊണ്ട ഏറ്റവും മികച്ച തത്വം ലക്ഷ്യപ്രമേയമാണ് 

(2) 1947 ഓഗസ്റ്റ് 14 ന് നടന്ന വിഭക്ത ഇന്ത്യയുടെ ഭരണഘടനാ നിർമ്മാണ സഭയുടെ ആദ്യ സമ്മേളനത്തിൽ ജവഹർലാൽ നെഹ്റുവാണ് ലക്ഷ്യപ്രമേയം അവതരിപ്പിച്ചത് 

(3) ഭരണഘടനയിലെ 'മുഖ്യ വ്യവസ്ഥക്ക് ' പ്രചോദനമായത് ക്യാബിനറ്റ് മിഷന്റെ നിർദേശങ്ങളാണ് 

(4) ലക്ഷ്യ പ്രമേയത്തെ അടിസ്ഥാനമാക്കിയാണ് ഇന്ത്യൻ ഭരണഘടന സമത്വം സ്വാതന്ത്ര്യം ജനാധിപത്യം പരമാധികാരം സാർവ്വലൗകിക സ്വത്വം എന്നീ ആശയങ്ങൾക്ക് സ്ഥാനപരമായ രൂപം നൽകിയത്.

A. (1), (2), (4) എന്നിവ 

B. (1), (3) എന്നിവ 

C. (1), (4) എന്നിവ 

D. ഇവയെല്ലാം 

20. ചുവടെ തന്നിരിക്കുന്നവയിൽ ഭരണഘടനയുടെ ചുമതലകൾ ഏതെല്ലാം :

(1) സമൂഹത്തിലെ അംഗങ്ങൾക്കിടയിൽ ചുരുങ്ങിയ തോതിലെങ്കിലും ഏകോപനം ഉണ്ടാക്കുന്ന അടിസ്ഥാന നിയമങ്ങൾ പ്രദാനം ചെയ്യുക. നിയമങ്ങൾ എല്ലാവരും അനുസരിക്കുമെന്ന് ഉറപ്പു വരുത്തുക.

(2) ഒരു സമൂഹത്തിൽ തീരുമാനങ്ങളെടുക്കാനുള്ള അധികാരം ആർക്കാണെന്ന് നിശ്ചയിക്കുക 

(3) ഒരു രാജ്യത്തെ ഗവൺമെന്റിന് നിയന്ത്രണങ്ങളില്ലാതെ പൂർണ്ണ അധികാരം നൽകുക.

(4) സമൂഹത്തിന്റെ ലക്ഷ്യങ്ങളും അഭിലാഷങ്ങളും സഫലീകരിക്കാൻ ഗവൺമെന്റിനെ പ്രാപ്തമാക്കുക  

(5) ജനതയ്ക്ക് മൗലികമായ ഒരു വ്യക്തിത്വം പ്രദാനം ചെയ്യുക 

A. (1), (2), (3), (4), (5) എന്നിവ  

B. (1), (3), (4), (5) എന്നിവ  

C. (1), (2), (4), (5) എന്നിവ  

D. (1), (4), (5) എന്നിവ

Answers: